လက်စတာအသင်းသည် FA ဖလားတွင် ဗိုလ်စွဲခဲ့ပြီးနောက် အဝတ်လဲခန်းအတွင်း အောင်ပွဲခံရာ၌ ချယ်လ်ဆီးအသင်းလိုဂိုပါအလံအား လွှင့်ပစ်ခဲ့မိခြင်းအတွက် ပြန်လည်တောင်းပန်ခဲ့ကြောင်း သိရသည်။
လက်စတာနောက်ခံလူ ဖိုဖာနာ၏ Instagram Live တွင် အသင်းဖော် အမာတေသည် အောင်ပွဲခံချိန်အတွင်း ယင်းတံခွန်ကို လွှင့်ပစ်ခဲ့ခြင်းဖြစ်သည်။
အမာတေသည် ယခုရာသီတွင် လက်စတာအသင်းအတွက် ပြိုင်ပွဲစုံ ၁၇ ပွဲကစားထားပြီး FA ဖလားဗိုလ်လုပွဲတွင် မကစားရသော်လည်း အသင်းလူစာရင်းတွင် ပါဝင်ခဲ့သည်။
လက်စတာအသင်းက ၎င်းတို့အနေဖြင့် ပြိုင်ဘက်အသင်းကို မလေးမစားပြုမူခဲ့ခြင်းမဟုတ်ဘဲ မတော်တဆဖြစ်ပွားခဲ့ခြင်းသာဖြစ်ကြောင်း တောင်းပန်ခဲ့ပြီး ချယ်လ်ဆီးအသင်းကလည်း လက်ခံခဲ့ကြောင်း သိရသည်။
လက်စတာနှင့် ချယ်လ်ဆီးတို့သည် မေလ ၁၈ ရက်(ယနေ့)တွင် ပရီးမီးယားလိဂ်ပြိုင်ပွဲ၌ ပြန်လည်ဆုံတွေ့ရမည်ဖြစ်ပြီး ချန်ပီယံလိဂ်ဝင်ခွင့်အတွက် အမှတ်လုရမည့်ပွဲလည်း ဖြစ်နေသည်။
လက်စတာနည်းပြ ဘရန်ဒန်ရော်ဂျာက နိုင်ပွဲထပ်ရရန် ကြိုးစားသွားမည်ဟု ဆိုခဲ့သည်။
