ဒေါ့မွန်အသင်းသည် ထိပ်သီးအသင်းများစွာ ခေါ်ယူရန် စိတ်ဝင်စားနေသော နော်ဝေတိုက်စစ်မှူး ဟော်လန်းကို ပေါင်သန်း(၁၅၀)အောက်ဖြင့် ရောင်းထုတ်မည်မဟုတ်ကြောင်း သိရသည်။
ဟော်လန်းကို ရီးယဲလ်၊ ဘာစီလိုနာ၊ မန်ယူ၊ မန်စီးတီးနှင့် ချယ်လ်ဆီးအသင်းတို့က အပြိုင်ကြိုးပမ်း ဖွယ်ရှိနေပြီး ၎င်း၏အေးဂျင့် ရိုင်ယိုလာကလည်း အပြောင်းအရွှေ့ဖြစ်မြောက်ရန် ကြိုးပမ်းလျက်ရှိသည်။
သို့သော် ဒေါ့မွန်အသင်းက လာမည့်ရာသီ၌ ချန်ပီယံလိဂ်ဝင်ခွင့် မရရှိလျှင်ပင် ဟော် လန်းကို ကြိုက်စျေးရမှသာ ရောင်းထုတ်မည်ဟု သိရသည်။
ဒေါ့မွန်အသင်းသည် ဆန်ချိုကိုမူ ပေါင်သန်း(၈၀)ဝန်းကျင်ဖြင့် ရောင်းထုတ်ဖွယ်ရှိကြောင်း Sky Sports က ဖော်ပြခဲ့သည်။
အသက် (၂၀)နှစ်အရွယ်ရှိ နော်ဝေတိုက်စစ်မှူး ဟော်လန်းသည် ယခုရာသီတွင် ဒေါ့မွန်အသင်းအတွက် ခြေစွမ်းပြနေပြီး ပြိုင်ပွဲစုံ (၃၈)ပွဲတွင် (၃၇)ဂိုးသွင်းယူပေးထားသည်။
