တရုတ်စူပါလိဂ်ကလပ်အသင်းနှင့် လမ်းခွဲပြီးနောက် အသင်းလက်မဲ့ဖြစ်နေသည့် စပိန်ဝါရင့်နည်းပြ ဘင်နီတက်ဇ်က ဘောလုံးလောကသို့ ပြန်လည်ဝင်ရောက်ရန် ပြင်ဆင်နေကြောင်းသိရသည်။
သို့သော် ဘင်နီတက်ဇ်က အင်္ဂလန်နှင့် အီတလီတွင်သာ နည်းပြရန် ဆန္ဒရှိပြီး စပိန်တွင် နည်းပြလိုခြင်းမရှိကြောင်းနှင့် ကမ်းလှမ်းမှုများကို စောင့်စားနေေကြောင်းပြောကြားခဲ့သည်။
ဘင်နီတက်ဇ်က “အနာဂတ်မှာ ဘာတွေဖြစ်လာမလဲဆိုတာ သိရှိဖို့ စောပါသေးတယ်။ ဒါပေမဲ့ အီတလီနဲ့ အင်္ဂလန်က ကျွန်တော့်အတွက် အဆင်ပြေပါလိမ့်မယ်။ စပိန်ကို ပြန်ဖို့တော့ လောလောဆယ် မဖြစ်နိုင်ပါဘူး။ အီတလီနဲ့ အင်္ဂလန်က ကမ်းလှမ်းမှုတွေအတွက် ကျွန်တော် တံခါးဖွင့်ထားပါတယ်”ဟု ပြောကြားခဲ့သည်။
