လက်စတာအသင်းနည်းပြ ဘရန်ဒန်ရော်ဂျာက မိမိတို့အနေဖြင့် ပရီးမီးယားလိဂ်အမှတ်ပေးဇယား ဒုတိယနေရာကို ရယူနိုင်စွမ်းရှိသည်ဟု ကြုံးဝါးပြောကြားခဲ့သည်။
လက်စတာအသင်းသည် ပရီးမီးယားလိဂ်ပွဲစဉ် (၃၃)အပြီးတွင် ရမှတ် (၆၂)မှတ် ရရှိထားပြီး ဒုတိယနေရာမှ မန်ယူအသင်း(၆၇ မှတ်)နှင့် (၅)မှတ် ကွာဟနေသည်။
သို့သော် ဘရန်ဒန်ရော်ဂျာက မိမိတို့အနေဖြင့် ပရီးမီးယားလိဂ်လက်ကျန် (၅)ပွဲတွင် မန်ယူအသင်းကို ကျော်ဖြတ်နိုင်စွမ်းရှိသည်ဟု ပြောကြားခဲ့သည်။
ဘရန်ဒန်ရော်ဂျာက “ရာသီကုန်ဆုံးဖို့ (၅)ပွဲအလိုမှာ ကျွန်တော်တို့ ပြီးခဲ့တဲ့ရာသီက အမှတ်ကို လိုက်မီနေပါပြီ။ ဒါဟာ တိုးတက်လာကြောင်း၊ ရင့်ကျက်လာကြောင်း ပြသနိုင်တယ်လို့ ထင်ပါတယ်။ ဒါကြောင့် ဒုတိယနေရာ ရယူနိုင်စွမ်းရှိတယ်လို့လည်း ယုံကြည်ပါတယ်”ဟု ပြောကြားခဲ့သည်။
လက်စတာအသင်းသည် ပရီးမီးယားလိဂ်ပွဲစဉ် (၃၄)အဖြစ် ယနေ့ညတွင် ဆောက်သမ်တန်အသင်းကို အိမ်ကွင်းတွင် လက်ခံကစားရမည်ဖြစ်ပြီး ယင်းနောက်တွင် နယူးကာဆယ်(အိမ်)၊ မန်ယူ(အဝေး)၊ ချယ်လ်ဆီး(အဝေး)၊ စပါး(အိမ်)တို့နှင့် ကစားရမည်ဖြစ်သည်။
