အေစီမီလန်အသင်း၏ ၀ါရင့်တိုက်စစ်မှူး အီဘရာဟီမိုဗစ်သည် အသင်းနှင့် (၁)နှစ် သက်တမ်းတိုုးစာချုပ် ထပ်မံချုပ်ဆိုရန် စီစဉ်နေကြောင်း သိရသည်။
အီဘရာဟီမိုဗစ်သည် အသက်(၃၉)နှစ်ရှိပြီဖြစ်သော်လည်း ခြေစွမ်းပြဂိုးများသွင်းယူနိုင်ဆဲဖြစ်သည့်အတွက် သက်တမ်းတိုးရန် ဆန္ဒရှိနေခြင်းဖြစ်ကြောင်း သိရသည်။
အေစီမီလန်အသင်းသည် အီဘရာဟီမိုဗစ်ကို ၂၀၂၁ နွေရာသီအထိ စာချုပ်ချုပ်ဆိုထားရာတွင် ခြေစွမ်းအပေါ်မူတည်၍ (၁)နှစ်သက်တမ်းတိုးနိုင်သည့် သဘောတူညီချက် ရယူထားကြောင်းလည်း သိရသည်။
အီဘရာဟီမိုဗစ်သည် အေစီမီလန်အသင်းတွင် တစ်နှစ်လုပ်ခ ယူရို(၇)သန်းဝန်းကျင် ရရှိနေသည်ဟုလည်း သိရသည်။
ဆွီဒင်ဝါရင့်တိုက်စစ်မှူး အီဘရာဟီမိုဗစ်သည် ယခုရာသီတွင် အေစီမီလန်အသင်းအတွက် ပြိုင်ပွဲစုံ (၂၄)ပွဲတွင် (၁၇)ဂိုးအထိ သွင်းယူပေးထားသည်။
