စပါးအသင်း၏ နည်းပြဖြစ်သူ မော်ရင်ဟိုက အသင်း၏တိုက်စစ်ကစားသမား ဂါရတ်ဘေးလ်သည် ယခုအချိန်တွင် သူ၏ စိတ်ပိုင်းဆိုင်ရာပြဿနာကို ကျော်ဖြတ်နိုင်ခဲ့ပြီဖြစ်ကြောင်း သုံးသပ်ပြောကြားခဲ့သည်။
ဂါရတ်ဘေးလ်သည် ခရစ္စတယ်ပဲလေ့စ်အသင်းကို (၄-၁)ဂိုးဖြင့် အနိုင်ရရှိခဲ့သည့်ပွဲတွင် သွင်းယူခဲ့သည့် သွင်းဂိုး (၂)ဂိုးအပါအဝင် စပါးအသင်းအတွက်နောက်ဆုံးကစားခဲ့သည့် ပွဲစဉ် (၆)ပွဲတွင် (၆)ဂိုးသွင်းယူကာ၊ ဂိုးဖန်တီးမှု (၃)ကြိမ်လည်း ပြုလုပ်နိုင်ခဲ့သူဖြစ်သည်။
မော်ရင်ဟိုက ”အရမ်းဝမ်းသာပါတယ်။ သူက အရမ်းကောင်းတဲ့ ကစားသမားတစ်ဦးဖြစ်ပြီး ဒီလိုကစားသမားမျိုးနဲ့ လက်တွဲခွင့်ရတာကိုလည်း အရမ်းပျော်ပါတယ်။ ဘယ်သူကမှ သူ့ကို စိန်မခေါ်ခဲ့ဘူး။ ကျွန်တော်တို့အားလုံး သူ့ကို ပံ့ပိုးပေးဖို့ပဲ ကြိုးစားခဲ့ကြတယ်။ ကျွန်တော်က စိတ်ပိုင်းဆိုင်ရာပြဿနာကို တွေ့ခဲ့တယ်။ ရာသီပေါင်းများစွာ ဒဏ်ရာပြဿနာတွေ နဲ့ ကြုံတွေ့ခဲ့ရသူတစ်ဦးအနေနဲ့ သူ့မှာ ပြဿနာတွေရှိတယ်။ ကြွက်သားတွေရဲ့ ပြဿနာဆိုတာထက် စိတ်ပိုင်းဆိုင်ရာပြဿနာဖြစ်ပြီး ဒါကို သူစိုးရိမ်နေခဲ့တယ်။ သူကိုယ်တိုင်ကစားတာ အရမ်းကောင်းပြီး၊ သူ့ကို ကူညီနိုင်သလောက် ကူညီပေးမယ့်သူတွေလည်း ၀ိုင်းနေတဲ့အခါ ဒီအခက်အခဲကို သူ ကျော်ဖြတ်နိုင်ခဲ့တာဖြစ်တယ်။ ဒီအတားအဆီးကို ကျွန်တော်တို့ ရိုက်ချိုးခဲ့တာမဟုတ်ဘူး။ သူကိုယ်တိုင် ရိုက်ချိုးနိုင်ခဲ့တာပါ။ ကျွန်တော်တို့ က ကူညီပေးခဲ့ရုံလေးပါပဲ”ဟုဆိုခဲ့သည်။
