ဘာစီလိုနာနည်းပြ ရော်နယ်လ်ကိုးမန်းက မိမိအနေဖြင့် အသင်းတွင် ဆက်ရှိလိုကြောင်း ဝန်ခံပြောကြားခဲ့သည်။ ဘာစီလိုနာအသင်းကို ယခု ရာသီအစတွင် စတင်ကိုင်တွယ်ခဲ့သူ ရော်နယ်လ်ကိုးမန်း(၅၇ နှစ်)သည် အသင်းနှင့်အတူ ၂၀၂၂ ခုနှစ်အထိ စာချုပ်သက်တမ်းရှိနေသူဖြစ်သည်။
သို့သော် ဘာစီလိုနာအသင်းသည် ယနေ့တွင် အသင်းဥက္ကဋ္ဌသစ် ရွေးကောက်ပွဲကို ပြုလုပ်မည်ဖြစ်ရာ ရော်နယ်လ်ကိုးမန်း၏အနာဂတ်မှာ မရေမရာဖြစ်နေကြောင်း စပိန်မီဒီယာများက ဖော်ပြနေကြသည်။
သို့သော် ရော်နယ်လ်ကိုးမန်းကမူ “ကျွန်တော့် အနေနဲ့ ဘာစီလိုနာအသင်းကို စတင်ကိုင်တွယ်တုန်းကလို စိတ်အားထက်သန်နေတုန်းပါပဲ။ ကိုဗစ်အပြင် တခြားအနေတွေကြောင့် ဘာစီလိုနာအသင်းဟာ အခက်အခဲတွေနဲ့ ရင်ဆိုင်ခဲ့ရပါ တယ်။ ဥက္ကဋ္ဌသစ်မှာ သူ့အစီအစဉ်နဲ့ သူ ရှိမှာဖြစ်ပေမဲ့ ဘာစီလိုနာအသင်းမှာ ကျွန်တော် ဆက်ရှိချင်ပါတယ်။ ဒါက ကျွန်တော့်အလုပ်ပါ”ဟုဆိုခဲ့သည်။
