အက်သလက်တီကိုမက်ဒရစ်တိုက်စစ်မှူး ဆွာရက်ဇ်က မက်ဒရစ်ဒါဘီတွင် ရီးယဲလ်အသင်းကို ရှုံးကြွေးဆပ်လိုကြောင်း ပြောကြားခဲ့သည်။ ်။
အက်သလက်တီကိုမက်ဒရစ်အသင်းသည် မတ်လ (၇)ရက်တွင် လာလီဂါပွဲစဉ်(၂၆) အဖြစ် ရီးယဲလ်မက်ဒရစ်အသင်းကို အိမ်ကွင်းတွင် လက်ခံကစားရမည်ဖြစ်သည်။
ယခုရာသီ လာလီဂါပထမအကျော့တွေ့ဆုံမှုတွင် အက်သလက်တီကိုမက်ဒရစ်အသင်းသည် ရီးယဲလ်မက်ဒရစ်အသင်းကို အဝေးကွင်းတွင် (၀-၂)ဂိုးဖြင့် ရှုံးနိမ့်ခဲ့ရာ ဆွာရက်ဇ်က ရီးယဲလ်မက်ဒရစ်အသင်းကို ရှုံးကြွေးဆပ်လိုကြောင်း ပြောကြားခဲ့ခြင်းဖြစ်သည်။
ဆွာရက်ဇ်က “ရီးယဲလ်မက်ဒရစ်အသင်းနဲ့ ကစားရတာက တစ်ခုခုထူးခြားပါတယ်။ ဒီလိုထိပ်တန်းပွဲတွေကို တကယ်ကစားချင်ပြီး ကျွန်တော်တို့အနေနဲ့ ဘာလုပ်နိုင်တယ်ဆိုတာကို ပြသချင်ပါတယ်။ ရီးယဲလ်နဲ့ ရင်ဆိုင်ရတဲ့ပွဲတွေက ပွဲကြီးပွဲကောင်းတွေဖြစ်ပါတယ်။ ကျွန်တော်တို့အနေနဲ့ ပထမအကျော့က ရီးယဲလ်အသင်းကို ရှုံးနိမ့်ခဲ့တာကို ပြန်လည်ပေးဆပ်သွားမှာပါ။ ကျွန်တော်တို့အနေနဲ့ လာလီဂါပြိုင်ပွဲမှာ ဘာကြောင့် ဦးဆောင်နေတယ်ဆိုတာကို ပြသသွားမှာပါ”ဟု ပြောကြားခဲ့သည်။
အက်သလက်တီကိုမက်ဒရစ်အသင်းသည် စပိန်လာလီဂါပွဲစဉ် (၂၅)အပြီးတွင် ပွဲကျန်တစ်ပွဲကစားရန် ကျန်ရှိနေသေးသော်လည်း ရမှတ် (၅၈)မှတ်ဖြင့် အမှတ်ပေးဇယားအဆင့်(၁)နေရာတွင် ရပ်တည်နေပြီး တတိယနေရာမှ မြို့ခံပြိုင်ဘက် ရီးယဲလ်မက်ဒရစ်အသင်း(၅၃ မှတ်)ကို (၅)မှတ် ဖြတ်ထားသည်။
