ခရစ္စတယ်ပဲလေ့စ် – ဖူလ်ဟမ် (တနင်္ဂနွေညနေ ၆း၃၀ နာရီ)
ဖူလ်ဟမ်ကလည်း ကစားပုံကောင်းခဲ့တဲ့တစ်လျှောက် ရလဒ်တွေ မကောင်းခဲ့ဘူး။ နောက်ပိုင်းမှာ ကစားပုံလည်း ညံ့၊ ရလဒ်တွေပါ ကျလာတယ်။ အခုတော့ ကစားပုံရော ရလဒ်တွေပါ ပြန်ကောင်းလာပြန်တယ်။ ချီးကျူးစရာပုံစံကို ပြနေပါတယ်။ ခရစ္စတယ်ပဲလေ့စ် ကလည်း နောက်ဆုံး (၅)ပွဲမှာ (၃)ပွဲတောင် အနိုင်ရခဲ့တဲ့အသင်းပါ။ တိုက်စစ်တော့ သိပ် အားရစရာမရှိဘူး။ ဒီပွဲက ဂိုးနည်းနိုင်တယ်။ သရေကျဖို့ များတယ်။
လက်စတာ – အာဆင်နယ် (တနင်္ဂနွေညနေ ၆း၃၀ နာရီ)
လက်စတာက ရလဒ်ကျသွားတဲ့အချိန်တွေရှိပေမဲ့ အမြဲတမ်း အခြေအနေကို ပြန်ထိန်းနိုင်ပြီး လမ်းကြောင်းမှန်ပေါ် ပြန်ပြန်ရောက်လာတတ်တာတွေ့ရတယ်။ အာဆင်နယ်ကတော့ နိုင်ပွဲတွေ ယူခဲ့ပြီးနောက် အခု ရလဒ်ပြန်ကျနေပြန်ပြီ။ ဒါပေ မဲ့ အာဆင်နယ်ရဲ့ ခြေစွမ်းပိုင်းက ရာသီအစတုန်းကလို ဆိုးဆိုးရွားရွားတော့ မဟုတ်တော့ဘူး။ တိုက်စစ်ပိုင်းက အားနည်းချက် တွေရှိနေလို့သာ ရလဒ်ပိုင်းဆိုးနေတာလို့လည်း ပြောနိုင်တယ်။ လိဒ်စ်နဲ့ ပွဲမှာ အူဘာမီယန်း ဂိုးပေါက်ပြန်တွေ့ခဲ့တော့ နိုင်ပွဲပြန် ရခဲ့တယ်။ အခု လက်ရှိအာဆင်နယ်ရဲ့အဓိကပြဿနာက ခံစစ်လည်းမဟုတ်၊ ကစားပုံလည်းမဟုတ်ဘဲ တိုက်စစ်ပိုင်းက ဂိုး ရဖို့ ရုန်းကန်နေရခြင်းသာဖြစ်ပြီး လာကာဇက်လည်း ဂိုးတွေပြန်ရခဲ့ပေမဲ့ အူဘာမီယန်းပြန်လာကတည်းက ဂိုးပေါက်ပျောက်သွား ခဲ့တာ တွေ့ရတယ်။ ဒီပုံစံနဲ့တော့ လက်စတာကို ရင်ဆိုင်ဖို့ မလွယ်လောက်ဘူး။ လက်ရှိအချိန်မှာ လက်စတာက အာဆင်နယ် ထက် အစစအရာရာသာနေပါတယ်။ ယုံကြည်မှုလည်း ပိုရှိတယ်။ လက်စတာကို ကြိုက်တယ်။
စပါး – ဘန်လေ (တနင်္ဂနွေည ၈း၃၀ နာရီ)
စပါးရဲ့ ခြေစွမ်းနဲ့ စိတ်ဓာတ်ပိုင်းကလည်း အဖက်ဖက်က ယိုယွင်းနေသလိုပဲ။ မော် ရင်ဟိုက သူ့နည်းဗျူဟာတွေနဲ့ ပတ်သက်ပြီး အဝေဖန်မခံပေမဲ့ ဝေဖန်စရာမလိုလောက် အောင်ကို သူ့အသင်းက စာရင်းမပေါက်တော့ဘူးဖြစ်နေပြီ။ တိုက်စစ်ပိုင်းကလည်း ဂိုးရဖို့ ရုန်းကန်နေရတယ်။ ဒီပွဲကတော့ အိမ်ကွင်းမှ နိုင်ပွဲပြန်ရသင့်ပြီလို့ ထင်ပါတယ်။ ဘန်လေက လည်း မာကျောတဲ့အသင်းဖြစ်လို့ စပါး ခက်ခက်ခဲခဲ ကစားရလိမ့်မယ်။
ချယ်လ်ဆီး – မန်ယူ (တနင်္ဂနွေည ၁၁းဝ၀ နာရီ)
ချယ်လ်ဆီးကစားတာ တော်တော်လေး ငြိမ်တယ်။ အရမ်းကောင်းတဲ့ လူစာရင်း၊ အထိုင်မဟုတ်ပေမဲ့ ပွဲတစ်ပွဲကို ကောင်း ကောင်းချုပ်ကိုင်ပြီး လွှမ်းမိုးနိုင်စွမ်းရှိလာတာကို တွေ့ရတယ်။ ကွင်းလယ်မှာ ကိုဗာချစ်က အကောင်းဆုံးပုံစံပြနေပြီး အသင်းကို ကောင်းကောင်း ဦးဆောင်နေတာတွေ့ရတယ်။ ခံစစ်နဲ့ ကွင်းလယ် အချိတ်အဆက်၊ တောင်ပံနဲ့ တိုက်စစ်အချိတ်အ ဆက်တွေ ကောင်းတယ်။ နည်းဗျူဟာပိုင်းတည်ဆောက်မှုကောင်းတာ တွေ့ရတယ်။ အက်သလက်တီကိုနဲ့ ပွဲက ချယ်လ်ဆီး ရဲ့ စိတ်ပိုင်း၊ ရုပ်ပိုင်း၊ စုစည်းမှုကို မြင်လိုက်ရတာဖြစ်ပြီး၊ ယုံကြည်မှုလည်း တော်တော်လေး မြင့်တက်လာတာတွေ့ရတယ်။ မန်ယူက ချယ်လ်ဆီး ဘောလုံးကိုင်ကစားတာကို မကြောက်ဘူး။ သူတို့က Possession Base အသင်းတွေကို ပြန်ထိုးနှက်နိုင်စွမ်းရှိတာ တွေ့ရတယ်။ ဒါကြောင့် ချယ်လ်ဆီးကစားဟန်က မန်ယူရဲ့အကြိုက်လို့လည်းဆိုနိုင်တယ်။ ဒါပေမဲ့ တူဟယ်လ်ရဲ့အသင်းက ဘောလုံးကိုင်တာ သတိကြီးပြီး တိုက်စစ်ကျွံတာမျိုးနည်းတယ်။ သရေကျဖို့ များပါတယ်။
ရှက်ဖီးယူနိုက်တက် – လီဗာပူးလ် (တနင်္လာနံနက် ၁း၄၅ နာရီ)
လီဗာပူးလ်က နောက်ဆုံး (၄)ပွဲဆက် ရှုံးခဲ့တာ အံ့သြစရာဖြစ်ပြီး၊ ဒီပွဲတော့ နိုင်ပါပြီ လို့ ယူဆနေရင်း ရလဒ်တွေက ဆိုးသထက်ဆိုးလာတယ်။ ဘရိုက်တန်၊ မန်စီးတီး၊ လက်စ တာ၊ အဲဗာတန် (၄)ပွဲစလုံး စိတ်ဝင်စားစရာ မတွေ့ရဘူး။ ခံစစ်ကလည်း စိတ်ပျက်စရာ ပုံစံ ဖြစ်နေတုန်းပဲ။ ဟန်ဒါဆန်လည်း ဒဏ်ရာရနေပြန်တယ်။ ရှက်ဖီးကလည်း တော်တော်ညံ့ တဲ့အသင်းပါ။ ဒီတစ်ကြိမ်တော့ လီဗာပူးလ် နိုင်သင့်ပါပြီ။
