ပရီးမီးယားလိဂ်ပြိုင်ပွဲတွင် မြို့ခံပြိုင်ဘက် မန်စီးတီးအသင်းက ရမှတ်ဖြတ်ကာ ဦးဆောင်နေသော်လည်း ချန်ပီယံဆုအတွက် ယှဉ်ပြိုင်မှုမှာ မပြီးဆုံးသေးဟု မန်ယူအသင်းနည်းပြ ဆိုးလ်ရှားက ပြောကြားခဲ့သည်။
ပရီးမီးယားလိဂ်ပြိုင်ပွဲတွင် (၁၇)ပွဲဆက်တိုက် ရှုံးပွဲမရှိကစားထားသော မန်စီးတီးအသင်းသည် အမှတ်ပေးဇယားဒုတိယနှင့် တတိယနေရာမှ မန်ယူနှင့် လက်စတာအသင်းတို့ကို ရမှတ်(၁၀)မှတ်ဖြတ်ကာ ဦးဆောင်လျက်ရှိနေသည်။
သို့သော်လည်း ဆိုးလ်ရှားက ချန်ပီယံအဖြေမထွက်မချင်း ပြိုင်ပွဲပြီးဆုံးသည်ဟု ပြော၍မရကြောင်း၊ မိမိတို့ တတ်နိုင်သရွေ့ဆက်လက်တိုက်ပွဲဝင်သွားမည်ဖြစ်ကြောင်း ပြောကြားခဲ့သည်။
