မန်ချက်စတာ ယူနိုက်တက် အသင်းဟာ 2020 – 21 ဘောလုံး ရာသီ စတင် ကတည်းက ရလဒ်ကောင်း တွေကို ပိုင်ဆိုင် နိုင်ဖို့ အတော်လေး ရုန်းကန် ခဲ့ရ ပါတယ် ။ အဲ့ဒီလို ရလဒ် ဆိုးရွားမှု တွေကြောင့် ယူနိုက်တက် နည်းပြ ဆိုးလ်ရှားတောင် အလုပ်ပြုတ်မယ်လို့ သတင်းကြီးခဲ့ပါ သေးတယ် ။
ဒါပေမယ့် အမှတ်ပေး ဖလား ပြိုင်ပွဲမှာ အာဆင်နယ် အသင်းကို ရှုံးနိမ့် ခဲ့တဲ့နောက် မန်ချက်စတာ ယူနိုက်တက် အသင်းဟာ ချန်ပီယံလိဂ် ၊ ကာရာဘောင်း ဖလား ပြိုင်ပွဲတွေမှ ထွက်ခဲ့ရတာက လွဲရင် ပရီးမီးယားလိဂ် မှာ ရှုံးပွဲ မရှိအောင် ကစားပြ သွားနိုင်ခဲ့ ပါတယ် ။
ရလဒ် တစ်ခု အနေနဲ့ မန်ချက်စတာ ယူနိုက်တက် အသင်းဟာ ရာသီဝက် ကုန်ဆုံးတဲ့ အနေအထား ( မန်စီးတီး 1 ပွဲကျန် ) မှာ ပရီးမီးယားလိဂ် အမှတ်ပေး ဇယားကို ဦးဆောင် သွားနိုင်ခဲ့ ပါတယ် ။ အခုတော့ ရာသီ အစက ရုန်းကန် ခဲ့တဲ့ အသင်းဟာ အမှတ်ပေး ချန်ပီယံ ဖြစ်ဖို့ အထိ အလားအလာ ကောင်းနေပါပြီ ။
ဒီအတွက် အာဆင်နယ် အသင်းနဲ့ ကစားခဲ့တဲ့ ပရီးမီးယားလိဂ် ရှုံးပွဲဟာ မန်ချက်စတာ ယူနိုက်တက် အသင်း အတွက် အလှည့်အပြောင်း ဖြစ်စေ ခဲ့တဲ့ ပွဲစဉ်လို့ ပြောသူ များပြားခဲ့ ပါတယ် ။ ဒါပေမယ့် ယူနိုက်တက် ကွင်းလယ်လူ ဘရူနို ဖာနန်ဒက်စ် ကတော့ အများနဲ့ မတူတဲ့ အဖြေကို ပြောပြ သွားခဲ့လိုက် ပါတယ် ။
ဘရူနို ဖာနန်ဒက်စ် ကတော့ ဘောက်ဆင်ဒေး တုန်းက လက်စတာ စီးတီး အသင်း နဲ့ အမှတ်ပေး ဖလား ပြိုင်ပွဲမှာ တစ်ဖက် နှစ်ဂိုးစီ သရေ ရလဒ် ထွက်ပေါ် ခဲ့တဲ့ ပွဲစဉ်က အသင်း ရဲ့ ဘောလုံး ရာသီကို အပြောင်းအလဲ ပေးဆောင် သွားနိုင် ခဲ့တယ်လို့ ဖွင့်ဟ ပြောကြား သွားခဲ့လိုက် ပါတယ် ။
အထူူးသဖြင့် ကင်းပါဝါ ကွင်းထဲမှာ လက်စတာ စီးတီး အသင်း နဲ့ တစ်ဖက် နှစ်ဂိုးစီ သရေ ရလဒ် ထွက်ပေါ် ခဲ့တဲ့နောက် အသင်းရဲ့ အဝတ်လဲခန်း ထဲမှာ ကစားသမား တွေဟာ စိတ်ပျက် နေခဲ့ ကြတာက သူတို့ရဲ့ ဘောလုံး ရာသီကို ပြောင်းလဲ ပေးဖို့ အတွက် လမ်းစ ဖြစ်သွား ခဲ့တယ်လို့ ဘရူနို က ဆိုခဲ့လိုက် ပါတယ် ။
” လက်စတာ စီးတီး နဲ့ ပွဲစဉ် ၊ နောက်ကျ မိနစ် ပေးဂိုး နဲ့ အတူ ကျွန်တော် တို့ သရေ ရလဒ် ထွက်ပေါ်ခဲ့ ကြတဲ့ ပွဲစဉ် အပြီး မှာတော့ အသင်း ရဲ့ အဝတ်လဲခန်း ထဲကို ဝင်ရောက် သွားခဲ့တဲ့ အချိန် အသင်းဖော်တွေ အသီးသီး စိတ်ပျက် နေခဲ့ ကြတာကို ကြည့်ရှုပြီး ကျွန်တော် တစ်ကယ်ပဲ ဝမ်းမြောက် ပျော်ရွှင်ခဲ့ ပါတယ် ”
” ဒါဟာ သရေ ရလဒ် ထွက်ပေါ် ခဲ့တဲ့နောက် အသင်းသားတွေ ပထမဆုံး အကြိမ် အဖြစ် အကြီးအကျယ် စိတ်ပျက် နေခဲ့ ကြတာကို ကျွန်တော် မြင်တွေ့ ရခြင်း ဖြစ်သွားခဲ့ရ ပါတယ် ။ ကျွန်တော် အသင်းဆီ ရောက်ရှိ လာပြီး တစ်နှစ်ကြာ အချိန် အထိ အသင်းမှာ ပြသနာတွေ ရှိနေဆဲလို့ ကျွန်တော် တွေးတောမိ ပါတယ် ”
” ကျွန်တော်တို့ တွေဟာ အခု အချိန် အထိ ပွဲစဉ် စတင်ပြီး သိပ် မကြာတဲ့ အချိန် တစ်ခုမှာ ပြိုင်ဖက် အသင်း တွေကို ဦးဆောင်ဂိုးတွေ ဆက်လက် ပေးဆောင် နေကြဆဲ ပါပဲ ။ ဒါကို အမြန်ဆုံး ပြင်ဆင် နိုင်ဖို့ လိုအပ် ပါတယ် ” လို့ ဘရူနို ဖာနန်ဒက်စ် က အသင်း ရဲ့ အားနည်းချက် ကိုပါ ပြောပြ သွားခဲ့လိုက် ပါတယ် ။
