နာမည်ကျော် MMA အားကစားသမား မက်ဂရီဂေါ်က ဇန်နဝါရီ(၂၃)ရက်တွင်ထိုးသတ်မည့် UFC 257 ပြိုင်ပွဲ ၌ ပြိုင်ဘက်ဖြစ်သူ အမေရိကန်နိုင်ငံသား ဒပ်စတင်ပွိုင်ရီယာကို စက္ကန့်(၆၀)အတွင်း အနိုင်ယူမည်ဟု ကြုံးဝါးသွားခဲ့သည်။
ယင်းပွဲမှာ မက်ဂရီဂေါ်အတွက် တစ်နှစ်ကျော်ကာလအတွင်း Octagon ၌ ပထမဆုံးထိုးသတ်မည့်ပွဲဖြစ်ပြီး အဘူဒါဘီတွင် သူ၏လိုက်ဝိတ်တန်းပြိုင်ဘက်ကို စောစီးစွာအနိုင်ယူမည်ဟု ကတိပြုခဲ့ခြင်းဖြစ်သည်။
“ဒပ်စတင် ကို ကျွန်တော့်အနေနဲ့ စက္ကန့်(၆၀)အတွင်း အနိုင်ယူနိုင်ပါလိမ့်မယ်။ ဒပ်စတင်ကို ကျွန်တော် ချစ်ခင်ပါတယ်။ သူဟာ ဖိုက်တာကောင်းတစ်ဦးလို့လည်း ယူဆပါတယ်။ သူ့အနေနဲ့ ကြီးမြတ်တဲ့ဖိုက်တာတစ်ဦး ဖြစ်နေရင်တောင် သူ့ရဲ့အဆင့်က ကျွန်တော့်ရဲ့အောက်မှာပဲ ရှိပါတယ်” ဟု မက်ဂရီဂေါ်က ပြောကြားခဲ့သည်။
မက်ဂရီဂေါ်သည် သူ၏ MMA ကစားသမားဘဝ အစောပိုင်းကာလရက်စွဲများက ယင်းသို့ ရလဒ်ခန့်မှန်းမှု မှန်ကန်သောကြောင့် ” Mystac Mac “ဟု အမည်ပြောင်ရခဲ့သူဖြစ်သည်။ မက်ဂရီဂေါ်နှင့် ပွိုင်ရီယာတို့သည် ၂၀၁၄ ခုနှစ်အတွင်းက တွေ့ဆုံခဲ့ဖူးပြီး မက်ဂရီဂေါ်က နှစ်မိနစ်အတွင်း အနိုင်ယူခဲ့သည်။
