မန်ချက် စတာ ယူနိုက်တက် အသင်း ရဲ့ နည်းပြ အိုလီ ဂန်နာ ဆိုးရှား က သူတို့ ဟာ ကာရာဘောင် ဖလား ကို သေသေချာချာ အာရုံစိုက် ယှဉ်ပြိုင် သွားမှာ ဖြစ်ပြီး အဆိုပါ ဖလား ကို ရယူ နိုင်မှု ဟာ ယူနိုက်တက် လူငယ် ကစား သမားတွေ အပေါ် ဘယ်လို အကျိုး သက်ရောက်မှု ရှိစေ နိုင်သလဲ ဆိုတာကို အသင်းရဲ့ ဂန္ထဝင် ၂ ဦး ဖြစ်တဲ့ ဗီဒစ် ၊ အီဗရာ တို့ရဲ့ ကာရာဘောင် ဖလား အောင်ပွဲ နဲ့ ဥပမာ ပေး ပြောဆို သွားခဲ့ ပါတယ် ။
ဗီဒစ် နဲ့ အီဗရာ တို့ ဟာ မန်ချက် စတာ ယူနိုက်တက် ကို ၂၀၀၆ ခုနှစ် ဇန်နဝါရီ အပြောင်း အရွှေ့မှာ ရောက်ရှိ လာခဲ့ ကြသူတွေ ဖြစ်ပါတယ် ။ ယူနိုက်တက် ဟာ ၂၀၀၆ ခုနှစ် လိဂ် ဖလား ဗိုလ်လုပွဲ မှာ ဝီဂန် အသင်း ကို ၄ – ၀ နဲ့ အနိုင် ရပြီး ဗိုလ်စွဲခဲ့ ပါတယ် ။
နည်းပြကြီး ဆာအဲလက်စ် ဖာဂူဆန် ဟာ အဆိုပါ ပွဲမှာ အသင်းရဲ့ မျက်နှာသစ် ကစား သားတွေ ဖြစ်တဲ့ ဗီဒစ် ၊ အီဗရာ တို့ ကို လူစားလဲ ထည့်သွင်း ခဲ့သလို လူငယ် ကစား သမား တစ်ဦး ဖြစ်တဲ့ ကလီဘာဆင် ကိုလည်း လူစားလဲ ထည့်ခဲ့ ပါတယ် ။ ဒီလို လုပ်ဆောင် ခဲ့မှုတွေ ကြောင့် လူစားဝင် လိုတဲ့ အသင်းရဲ့ အဓိက တိုက်စစ်မှူး ရုဒ် ဗန် နစ္စတယ်ရွိုင်း နဲ့ အဆင်မပြေမှုတွေ ဖြစ်ပေါ် ခဲ့ကာ နွေရာသီ မှာတော့ နယ်သာလန် တိုက်စစ်မှူး ဟာ ရီးရဲ မက်ဒရစ် ကို ပြောင်းရွှေ့ သွားခဲ့ ပါတယ် ။
မန်ချက် စတာ ယူနိုက်တက် မှာ 2007 ခုနှစ် အထိ ကစား သမား အဖြစ် ရှိနေ ခဲ့တဲ့ ဆိုးရှား ဟာ ဗီဒစ် နဲ့ အီဗရာ တို့ ရဲ့ ပထမဆုံး ဆုဖလား ( ယူနိုက်တက် အသင်းသား အဖြစ် နဲ့ ) ရရှိချိန် မှာ အနီးကပ် ရှိနေ ခဲ့ပြီး ဒီ ဖလား ဟာ သူတို့ ၂ ယောက် ရဲ့ လမ်းကြောင်းမှာ ဘယ်လောက်ထိ အရေးပါ ခဲ့သလဲ ဆိုတာ ကို မြင်တွေ့ ခဲ့ရ ပါတယ် ။
ဗီဒစ် နဲ့ အီဗရာ တို့ ဟာ ဆာအဲလက်စ် ဖာဂူဆန် ရဲ့ အားထားရတဲ့ ကစား သမားတွေ ဖြစ် လာခဲ့ပြီး ၂၀၀၈ ချန်ပီယံလိဂ် ဖလား အပါ အဝင် ပရီးမီးယားလိဂ် ဖလား ၅ ကြိမ်စီ ကို ရယူ ပိုင်ဆိုင် နိုင်ခဲ့ ကြပါတယ် ။ ဒါကြောင့် ဆိုးရှား ကလည်း ဆရာဟောင်း ဖာဂူဆန် ရဲ့ လမ်းစဉ် အတိုင်း လိုက်နိုင်စေဖို့ အတွက် လိဂ် ဖလားကို သေချာ အာရုံစိုက် ယှဉ်ပြိုင် သွားမယ်လို့ ထုတ်ဖော် ပြောဆို သွားခဲ့ ပါတယ် ။
“ကျွန်တော်တို့ ဒီ ဖလား ကို ပစ်မှတ် ထားသွား မှာပါ ။ ရာသီ တိုင်းမှာ ကျွန်တော်တို့ တိုးတက် အောင် လုပ်ဆောင် နေပြီး မနှစ် က ရောက် ခဲ့တဲ့ နေရာထက် ( ဆီမီး ဖိုင်နယ် ) ပိုကောင်းတဲ့ ဆီကို သွားချင် ပါတယ် ။ မနှစ် တုန်းက ဖိုင်နယ် တက်ဖို့ ရည်ရွယ် ခဲ့တာပါ ၊ ဒီနှစ် မှာတော့ ဗိုလ်စွဲဖို့ အတွက် ရည်မှန်း ထားပါတယ်”
“ဗိုလ်လုပွဲ ကို ရောက်လာပြီ ဆိုရင်တော့ ဘယ်သူ မဆို ဖလား ရချင် ကြမှာပါပဲ ။ ကျွန်တော့ ဘ၀ မှာ ဆုတံဆိပ် တွေ အများကြီး ရခဲ့ ဖူးပါတယ် ၊ ဒါပေမယ့် ပထမဆုံး ရခဲ့တဲ့ ဆုတံဆိပ် ကို အမှတ်မိ ဆုံးပါပဲ ။ ဗီဒစ် နဲ့ အီဗရာ တို့ ဟာ ၂၀၀၆ မှာ ယူနိုက်တက် နဲ့ ပထမဆုံး ဖလား ကို ဒီပြိုင်ပွဲကနေ ရခဲ့ ပါတယ် ။ ဒါဟာ သူတို့ အတွက် အရမ်း ကို အရေးပါခဲ့ တာပါ”
“ဒီလို ဖလား အောင်ပွဲ ရလိုက်တာ ဟာ ကစား သမားတွေ ကို ဘယ်လို အနိုင် ယူရမလဲ ဆိုတဲ့ စိတ်ဓါတ်တွေ ကို မွေးထုတ် ပေးနိုင် ပါတယ် ။ ဒါကြောင့် လိဂ် ဖလား ဟာ လက်ရှိ အသင်းသားတွေ ရဲ့ အနာဂါတ် အတွက် အရေးပါတဲ့ ပန်းတိုင် တစ်ခု အဖြစ် ရှိနေ မှာပါ” လို့ ဆိုးရှား က ပြောဆို သွားခဲ့ ပါတယ် ။
မန်ချက် စတာ ယူနိုက်တက် ဟာ ယနေ့ ည မှာ အဲဗာတန် အသင်းရဲ့ ကွင်းကို သွားရောက် ယှဉ်ပြိုင် ရမှာ ဖြစ်ပြီး အနိုင် ရလာမယ့် အသင်းဟာ မန်စီးတီး ၊ ဘရန့်ဖိုဒ့် ၊ စတုတ် – စပါး ပွဲ အနိုင်ရသူ တို့ အနက် က တစ်သင်း နဲ့ ဆီမီး ဖိုင်နယ် ပွဲစဉ် ကို ယှဉ်ပြိုင်ကစား သွားရမှာ ဖြစ်ပါတယ် ။
ဆိုးရှား ဟာ ဒီည ပွဲမှာ လူစာရင်းကို အနည်းငယ် အပြောင်းအလဲ ပြုလုပ် သွားဖို့ ရှိနေပြီး ဂိုးသမား နေရာမှာ လူငယ်လေး ဟန်ဒါဆင် ကို တာဝန်ပေး သွားဖွယ် ရှိနေ ပါတယ် ။ နောက်ခံလူ ဘစ်ဆာကာ နဲ့ ကွင်းလယ်လူ တော်မီနေး တို့ ကတော့ ဒဏ်ရာ တွေကြောင့် ယခုည ပွဲကို လွဲချော်မယ် လို့ ဆိုးရှား က ထုတ်ဖော် ပြောဆို သွားခဲ့ ပါတယ် ။
