ဘာစီလိုနာအသင်းသည် ယခုရာသီပြီးဆုံး ရန် လက်ကျန်တစ်ပွဲအလိုတွင် လာလီဂါချန်ပီယံဆု လက်လွှတ်ခဲ့ရသလို အသင်းခေါင်းဆောင် မက်ဆီအပါ အဝင် အဓိက ကစားသမားများ၏ နေရာတွင် အစားထိုးရမည့်အခြေ အနေရင်ဆိုင်နေရပြီး အပြောင်း အလဲမလုပ်နိုင်ပါက အေစီမီလန်နှင့် မန်ယူအသင်းလက်သစ်ဖြစ်လာနိုင်ကြောင်း ဗစ်တာဖောင့်က သတိပေးခဲ့ခြင်းဖြစ်သည်။
ဘာစီလိုနာအသင်းအနေဖြင့် အပြောင်းအလဲမလုပ်နိုင်ပါက အေစီမီလန်နှင့် မန်ယူအသင်းတို့ကဲ့သို့ ချန်ပီယံဆုစိန်မခေါ်နိုင်သည့်အခြေ အနေဖြစ်လာနိုင်ကြောင်း ဥက္ကဋ္ဌလောင်း ဗစ်တာဖောင့်က သတိပေး ပြောကြားခဲ့သည်။
ဗစ်တာဖောင့်သည် ၂၀၁၃ ခုနှစ်ကတည်းက ဘာစီလိုနာအသင်း ဥက္ကဋ္ဌဖြစ်ခွင့်ရရေး ကြိုးပမ်းနေသူ ဖြစ်ပြီး ၂၀၂၁ ခုနှစ် ရွေးကောက်ပွဲတွင် လက်ရှိဥက္ကဋ္ဌ ဘာတိုမူကို အဓိက စိန်ခေါ်သူဖြစ်လာနိုင်သည်။ ဘာစီလိုနာအသင်းသည် ယခုရာသီပြီးဆုံး ရန် လက်ကျန်တစ်ပွဲအလိုတွင် လာလီဂါချန်ပီယံဆု လက်လွှတ်ခဲ့ရသလို အသင်းခေါင်းဆောင် မက်ဆီအပါ အဝင် အဓိက ကစားသမားများ၏ နေရာတွင် အစားထိုးရမည့်အခြေ အနေရင်ဆိုင်နေရပြီး အပြောင်း အလဲမလုပ်နိုင်ပါက အေစီမီလန်နှင့် မန်ယူအသင်းလက်သစ်ဖြစ်လာနိုင်ကြောင်း ဗစ်တာဖောင့်က သတိပေးခဲ့ခြင်းဖြစ်သည်။
“ဘာစီလိုနာက ဥရောပရဲ့အအောင်မြင်ဆုံးအသင်း တစ်သင်းဖြစ်ပေမဲ့ အခုအချိန်မှောတော့ ထိပ်တန်းဆုဖလားတွေကို စိန်မခေါ်နိုင်တော့ပါဘူး။ အသင်း အနေနဲ့ အဓိကမျိုးဆက်ကစားသမား တွေနေရာ အစားထိုးဖို့၊ နူးကမ့်ကွင်း ကို ပြင်ဆင်ဖို့၊ ကိုရိုနာဗိုင်းရပ်စ်ဖြစ် ပွားမှုရဲ့ နောက်ဆက်တွဲဆိုးကျိုးတွေ ကို ရင်ဆိုင်ဖြေရှင်းနိုင်ဖို့ စတဲ့ အင်အားအကောင်းဆုံးမုန်တိုင်းတစ်ခု ရင်ဆိုင်နေရတာပါ။ ပြီးခဲ့တဲ့ဆယ်စုနှစ်ကာလမှာ ယှဉ်ပြိုင်မှုတွေက ပိုပိုပြီးတော့ ပရော်ဖက်ရှင်နယ်ဆန်လာပါတယ်။ ပရီးမီးယားလိဂ်မှာ ကလပ်အသင်းတွေက စီမံခန့်ခွဲမှုကောင်းကောင်းလုပ်နိုင်တာ ခင်ဗျားလည်း တွေ့မှာပါ။ အစိုးရတွေပိုင်ဆိုင်တဲ့ ကလပ်တွေတောင်မှ (မန်စီးတီးကို ရည်ရွယ်) အသင်းရဲ့ဘဏ္ဍာရေး အတွက် ငွေကြေးအမြောက်အမြား စိုက်ထုတ်ပြီးတော့ စီးပွားရေးနယ် ပယ်ချဲ့ထွင်ဖို့ လုပ်နေကြပါတယ်။ ကျွန်တော်တို့အနေနဲ့ ကြိုးစားမှုမလုပ်ဘူးဆိုရင် ဘာစီလိုနာက အေစီမီလန် ဒါမှမဟုတ် မန်ချက်စတာယူနိုက်တက်လက်သစ် ဖြစ်လာနိုင် တဲ့ အန္တရာယ်ရှိပါတယ်”ဟု ၎င်းက BBC Radio 5 Live ၏ Euro League Podcast သို့ ပြောကြားခဲ့သည်။
ပရီးမီးယားလိဂ်ပြိုင်ပွဲတွင် ချန်ပီယံဆု ၁၃ ကြိမ်၊ ချန်ပီယံဆု စုစု ပေါင်း အကြိမ် ၂၀ ဖြင့် အအောင်မြင်ဆုံးအဖြစ် ရပ်တည်နေသည့် မန်ယူအသင်းသည် ဂန္ထဝင်နည်းပြ ဆာအဲလက်စ်ဖာဂူဆန် ထွက်ခွာသွားသည့် ၂၀၁၂-၂၀၁၃ ရာသီနောက်ပိုင်း ချန်ပီယံဆုနှင့်ဝေးကွာနေသလို စီး ရီးအေချန်ပီယံဆု ၁၈ ကြိမ်ရရှိထားသည့် အေစီမီလန်အသင်းမှာလည်း ချန်ပီယံဆုမရသည်မှာ ကိုးနှစ်ရှိပြီ ဖြစ်သောကြောင့် ဗစ်တာဖောင့်က ယင်းကဲ့သို့ သတိပေးပြောကြားခြင်း ဖြစ်သည်။ ထို့ပြင် ၎င်းက အသင်း ခေါင်းဆောင် မက်ဆီအနေဖြင့် မပျော်မရွှင်ဖြစ်နေပြီး ၎င်းအား ထိန်းထားနိုင်ရန် ကြိုးပမ်းရမည်ဖြစ်ကြောင်းလည်း ဆက်လက်ပြောကြားခဲ့သည်။
