အက်သလက်တီကိုအသင်းအား (၀-၁)ဂိုးဖြင့်ရှုံးနိမ့်ခဲ့သည့် လာလီဂါပွဲစဉ်တွင် ဘာစီလိုနာနောက်ခံလူ ပီကေးသည် ပြင်းထန်သည့် ဒူးဒဏ်ရာရရှိခဲ့သည့်အတွက် အနည်းဆုံး(၃)လ မှ (၅)လအထိ အနားယူရဖွယ်ရှိနေကြောင်း သိရသည်။
ပီကေးသည် အဆိုပါပွဲစဉ်တွင် ပွဲချိန်မိနစ် (၆၀)၌ အက်သလက်တီကိုတိုက်စစ်ကစားသမား ကော်ရီယာနှင့် ထိခိုက်မိခဲ့ကာ ညာဘက်ဒူးဒဏ်ရာ ပြင်းထန်စွာရရှိခဲ့ခြင်းဖြစ်ပြီး ဆာဂျီညိုဒက်စ်နှင့် လူစားလဲခဲ့ရသည်။
စစ်ဆေးချက်များအရ ပီကေးအနေဖြင့် ဘယ်ဘက်ဒူးအတွင်းပိုင်းရှိ အရေးပါသည့်အရွတ်များ ထိခိုက်မိခဲ့ခြင်းဖြစ်ပြီး ကုသမည့်အပိုင်းနှင့် အနားယူရမည့်ကာလကို အတိအကျမသိရှိသေးကြောင်း သိရသည်။
နာမည်ကျော် အရိုးအကြောဆရာဝန် ဒေါက်တာရီပိုးလ်ကမူ ပီကေး၏ဒဏ်ရာမှာ အကြီးစားဒဏ်ရာဖြစ်ပြီး ပြန်လည်ကျန်းမာရန်အတွက် အနည်းဆုံး အချိန် (၆) လမှ (၈)လခန့်အထိ အနားယူရမည်ဖြစ်ကြောင်း ပြောကြားခဲ့သည်။
အဆိုပါပွဲစဉ်တွင် ပီကေးအပြင် အခြားနောက်ခံလူတစ်ဦးဖြစ်သည့် ဆာဂျီရောဘတ်တိုမှာလည်း တံကောက်ကြောဒဏ်ရာ ရရှိခဲ့သည့်အတွက် (၂)လခန့် အနားယူရဖွယ်ရှိနေကြောင်း သိရသည်။
ဆာဂျီရောဘတ်တိုသည် ယင်းပွဲနောက်ဆုံးမိနစ်တွင် ဧရိယာအပြင်မှ အပြင်းကန်သွင်းရန်ကြိုးပမ်းခဲ့ပြီး အဆိုပါဒဏ်ရာကို ရရှိခဲ့ခြင်းဖြစ်ကြောင်း သိရသည်။
