အသက် (၃၄)နှစ်အရွယ်ရှိ စပိန်ဝါရင့်နောက်ခံလူ ရာမို့စ်သည် ယခုရာသီကုန်တွင် ရီးယဲလ်အသင်းနှင့် စာချုပ်သက်တမ်းကုန်ဆုံးမည်ဖြစ်ပြီး ၎င်းကို စာချုပ်သစ်ချုပ်ဆိုရန်အတွက် ရီးယဲလ်အသင်းဥက္ကဋ္ဌ ပီရက်ဇ် ကိုယ်တိုင် ကြိုးပမ်းနေသည်။
ရီးယဲလ်အသင်းဥက္ကဋ္ဌ ပီရက်ဇ်သည် အသင်းခေါင်းဆောင် ရာမို့စ်ကို စာချုပ်သစ်ချုပ်ဆိုရန်အတွက် ကိုယ်တိုင် ကြိုးပမ်းနေကြောင်း စပိန်အားကစားရုပ်သံ El Larguero က ထုတ်လွှင့်ခဲ့သည်။
အသက် (၃၄)နှစ်အရွယ်ရှိ စပိန်ဝါရင့်နောက်ခံလူ ရာမို့စ်သည် ယခုရာသီကုန်တွင် ရီးယဲလ်အသင်းနှင့် စာချုပ်သက်တမ်းကုန်ဆုံးမည်ဖြစ်ပြီး ၎င်းကို ခေါ်ယူရန် ဥရောပထိပ်တန်းကလပ်များဖြစ်သည့် PSG နှင့် မန်ယူအသင်းတို့က စိတ်ဝင်စားနေကြောင်း သိရသည်။
PSG အသင်းသည် ရာမို့စ်ကို တစ်နှစ်လစာ ယူရိုသန်း (၂၀)ဖြင့် ကမ်းလှမ်းမည်ဟု သတင်းများထွက်ပေါ်နေသော်လည်း ရီးယဲလ်အသင်းအနေဖြင့် ရာမို့စ်ကို (၂)နှစ်သက်တမ်းရှိ စာချုပ်သစ်တစ် ရပ်ချုပ်ဆိုရန် အလွန်နီးစပ်နေပြီဖြစ်ကြောင်း သိရသည်။
ရာမို့စ်၏ ဖခင်ဖြစ်သူကလည်း မိမိ၏ သားအနေဖြင့် အသင်းတွင် ဆက်ရှိနေမည်ဟု ယုံကြည်သည်ဟု ပြောကြားခဲ့သည်။
ရာမို့စ်ကို စာချုပ် သစ်ချုပ်ဆိုရန်အတွက် ရီးယဲလ်ဥက္ကဋ္ဌ ပီရက်ဇ်ကိုယ်တိုင် ကစားသမားနှင့် ဆွေးနွေးနေပြီး မူအရသဘောတူညီမှု ရရှိခဲ့ပြီဖြစ်ကာ စာချုပ်သစ်ကိစ္စကို ယခုနှစ်မကုန်မီ ကြေညာဖွယ်ရှိကြောင်း El Larguero က ဖော်ပြခဲ့သည်။
