မန်ချက်စတာ ယူနိုက်တက် အသင်းရဲ့ ဂန္ဓဝင် ကစားသမားဟောင်း ဖြစ်တဲ့ လက်ရှိ နယူးကာဆယ် အသင်း နည်းပြ စတိဗ် ဘရုစ် က သူသာ ဆိုးလ်ရှားရဲ့ နေရာမှာ ရှိနေမယ် ဆိုရင် ခက်ခဲတဲ့ အခိုက်အတန့် တွေကို ကြုံတွေ့ နေရတဲ့ အသင်း ခေါင်းဆောင် မက်ဂွားယားကို ပွဲကစားခွင့် ပေးသွားမှာ ဖြစ်ကြောင်း ဖွင့်ဟ ပြောကြား သွားခဲ့လိုက် ပါတယ် ။
မန်ချက်စတာ ယူနိုက်တက် အသင်း ရဲ့ အသင်း ခေါင်းဆောင် ဖြစ်တဲ့ ဟယ်ရီ မက်ဂွားယားဟာ ပြီးခဲ့တဲ့ နွေ အားလပ်ရက် တုန်းက မိုင်ကိုနော့စ် ကျွန်းမှာ ပြသနာ ဖြစ်ပွား ခဲ့တဲ့နောက် အသင်း အတွက် ကစား ပေးရာမှာ ပုံစံကောင်း တွေကို ပြသ နိုင်ဖို့ အတော်လေး အတွက် ရုန်းကန် နေခဲ့ရ ပါတယ် ။
အထူးသဖြင့် စပါး အသင်းကို 1 – 6 နဲ့ ရှုံးနိမ့် ခဲ့တဲ့ ပွဲစဉ်မှာ အမှားတွေ များခဲ့ ပါတယ် ။ အခုတော့ အင်္ဂလန်တို့ ဒိန်းမတ် အသင်း နဲ့ ကစား ခဲ့တဲ့ ပွဲစဉ် မှာလည်း သူဟာ ပွဲချိန် 31 မိနစ် မှာပဲ နှစ်ဝါ တစ်နီ ပြသ ခံခဲ့ ရပြီး အထုတ်ခံ ခဲ့ရတဲ့ အတွက် ဝေဖန်မှု တွေကို များစွာ ကြုံတွေ့ ခဲ့ရ ပါတယ် ။
ဒီအတွက် သတင်း သုံးသပ်သူ အချို့က သူ့ကို ပွဲထွက် ကစား သမား စာရင်းမှ ချန်လှပ်ပြီး ခေတ္တ အနားပေး သင့်ကြောင်း ၊ ယုံကြည်မှု တွေကို ပြန်လည် တည်ဆောင် နိုင်ဖို့ အတွက် အားလပ်ရက် အနည်းငယ် ပေးဆောင် သင့်ကြောင်း အကြံပေး တိုက်တွန်း ခဲ့ကြပါ သေးတယ် ။
နယူးကာဆယ် နည်းပြ ဖြစ်တဲ့ စတိဗ် ဘရုစ် ကတော့ 2014 ခုနှစ် တုန်းက မက်ဂွားယား ကို ရှက်ဖီး ယူနိုက်တက် အသင်းမှ ဟားလ် စီးတီး အသင်းဆီ ခေါ်ယူ ခဲ့တဲ့သူ ဖြစ်တဲ့ အတွက် သူ့ရဲ့ အကြောင်း တွေကို အတော်လေး သိရှိ ထားသူ တစ်ဦးပဲ ဖြစ်ပါတယ် ။
ဒါ့ကြောင့် ဟယ်ရီ မက်ဂွားယားသာ ကြံ့ခိုင်မှု ပြည့်ဝမယ် ဆိုရင် သူတို့ အသင်း နဲ့ ရင်ဆိုင်ရတဲ့ အခါမှာ ပွဲထွက် ကစားသမား အဖြစ် ပါဝင် သင့်ကြောင်း သရဲနီ အသင်း ခေါင်းဆောင်ဟောင်း စတိဗ် ဘရုစ် က ဆိုးလ်ရှား ကို အကြံပေး တိုက်တွန်း သွားခဲ့လိုက် ပါတယ် ။
” သူဟာ ခင်ဗျား တို့ရဲ့ ခေါင်းဆောင်ပါ ။ အရာရာ တိုင်းက ခင်ဗျား တို့နဲ့ ဆန့်ကျင်ဖက် ဖြစ်နေတဲ့ အချိန်မှာ အခက်အခဲ တွေကို ကျော်လွှား နိုင်ဖို့ အကောင်းဆုံး နည်းလမ်း ကတော့ ပွဲကစားခွင့် ရရှိခြင်း ပါပဲ ။ ဟယ်ရီ ( မက်ဂွားယား ) ဆိုတဲ့ အဲ့ဒီလို ကစားသမားမျိုးပါ ။ သူက တစ်ကယ့် ပရော်ဖက်ရှင်နယ် ကစားသမား တစ်ဦး ပါပဲ ”
” ဒါဟာ လေး ၊ ငါးနှစ် အတွင်းမှာ ပထမဆုံး အကြိမ် သူဟာ အခက်အခဲ တွေနဲ့ ရင်ဆိုင် နေရတဲ့ အခိုက်အတန့် တစ်ခု ပါပဲ ။ သူဟာ ဟားလ် ၊ လက်စတာ ကနေ မန်ချက်စတာ ယူနိုက်တက် အသင်း ရဲ့ အသင်း ခေါင်းဆောင် အဖြစ် အလျင်မြန်ဆုံး တိုးတက် လာနိုင် ခဲ့တဲ့ ကစားသမား တစ်ဦး ပါပဲ ”
” သူနဲ့ ပတ်သက်လို့ လုပ်ဆောင် သင့်တဲ့ တစ်ခုတည်းသော အရာက တိုက်တွန်း နှိုးဆောင်မှု လုပ်ဆောင်ရေး ပါပဲ ။ ဒီလို နည်းလမ်း အတိုင်း ဆိုရင် သူဟာ အခက်အခဲ တွေကို ကျော်ဖြတ် ပြနိုင်ပါ လိမ့်မယ် ။ သူဟာ ပြန်လည် ရုန်းထ နိုင်ဖို့ ၊ ပုံမှန် စွမ်းဆောင်ရည် တွေကို ပြသ နိုင်ဖို့ အတွက် ပွဲ ကစားချိန် မိနစ်တွေ လိုအပ် နေပါတယ် ”
” ပွဲကစားခွင့် တွေကို ပုံမှန် အတိုင်းသာ ရရှိ နေခဲ့မယ် ဆိုရင် ကစားသမား တစ်ယောက် ရဲ့ အရည်အသွေး တွေဟာ ပျောက်ဆုံး သွားမှာ မဟုတ် ပါဘူး ” လို့ စတိဗ် ဘရုစ် က တပည့်ဟောင်း အကြောင်းကို ပြောပြရင်း ဆိုးလ်ရှားကို အကြံပေး တိုက်တွန်း သွားခဲ့လိုက် ပါတယ် ။
