အပြောင်းအရွေ့ နောက်ဆုံးရက်ကျမှ ကစားသမားတွေကို ကတိုက်ကရိုက် ခေါ်ယူခဲ့တဲ့ မန်ယူနိုက်တက်ကို ဝေဖန် သွားခဲ့တဲ့ လီဗာပူး ဂန္တဝင်

လီဗာပူး ဂန္တဝင် ကစားသမား ဖြစ်သူ ဖီးလ်သော်မဆန်က လိုချင်တဲ့ ပစ်မှတ်တွေကို မရဘဲ deadline day နေ့မှသာ ကစားသမား တွေကို ကပျာကယာ ခေါ်ယူခဲ့တဲ့ မန်ချက်စတာယူနိုက်တက် အသင်းရဲ့ အပြောင်းအရွေ့ လုပ်ဆောင်မှု တွေကို ဝေဖန် ပြစ်တင် သွားခဲ့ ပါတယ်။ The Red Devils တို့ဟာ ပြီးခဲ့တဲ့ နွေရာသီ အပြောင်းအရွေ့ နောက်ဆုံးရက်မှာ တိုက်စစ်မှုး အက်ဒီဆင် ကာဗာနီ ၊ ဘယ်နောက်ခံလူ အဲလက်စ်တဲလက်စ် ၊ တောင်ပံ ကစားသမား ပယ်လစ်စထရီ နဲ့ လူငယ်ကြယ်ပွင့် တိုက်စစ်မှုး အာမက်ဒီယာလို တို့ကို ခေါ်ယူ ခဲ့ပါတယ်။

မန်ချက်စတာယူနိုက်တက် အသင်းဟာ နွေရာသီ အပြောင်းအရွေ့ ကာလ တစ်လျှောက်လုံး ဒေါ့မွန်ရဲ့ ဂျေဒွန်ဆန်ချိုကို ခေါ်ယူဖို့ ကြိုးစား ခဲ့ပေမယ့်လည်း နောက်ဆုံးမှာတော့ အင်္ဂလန် စတားကို အိုးထရပ်ဖို့ဒ်ထံ ခေါ်ယူ နိုင်ခဲ့ခြင်း မရှိခဲ့သလို လိုအပ် နေတဲ့ ဗဟို ခံစစ် ကစားသမား တစ်ဦး ကိုလည်း အက်ဝုဒ်ဝက် ဦးဆောင်တဲ့ အဖွဲ့ကို ခေါ်ယူဖို့ မကြိုးစား ခဲ့ပါဘူး။

အန်ဖီး ဟီးရိုး သော်မဆန်က ဒါဟာ ပရီးမီးယားလိဂ် အင်အားကြီး ကလပ်ရဲ့ စနစ်မကျတဲ့ အပြောင်းအရွေ့ ပေါ်လစီလို့ ယုံကြည် နေပြီး ယူနိုက်တက်ရဲ့ အပြောင်းအရွေ့ လှုပ်ရှားမှုဟာ အရမ်း ညံ့ဖျင်းခဲ့တယ်လို့ မှတ်ချက် ပေးသွား ခဲ့ပါတယ်။

သော်မဆန်က “မန်ချက်စတာယူနိုက်တက် နဲ့ ပက်သက်ပြီး ကျွန်တော် အနည်းငယ် စိတ်ပျက်လက်ပျက် ဖြစ်မိ ပါတယ်။ သူတို့ဟာ ပြီးခဲ့တဲ့ နွေရာသီ အပြောင်းအရွေ့ ကာလ တစ်လျှောက်လုံး ဂျေဒွန်ဆန်ချို အပေါ်မှာသာ အပြင်းအထန် အာရုံစိုက် ခဲ့ပါတယ်။ ဆန်ချိုကို ဒေါ့မွန် ထံကနေ ခေါ်ယူ နိုင်မှာ မဟုတ်ဘူး ဆိုတာကို သူတို့ တစ်ချိန်ချိန်မှာ သိခဲ့ ရမှာပါ။

အဲဒီနောက် သူတို့ဟာ အပြောင်းအရွေ့ ကာလ နောက်ဆုံးရက်မှာ ကစားသမား ၄ ဦးကို ခေါ်ယူ ခဲ့ပါတယ်။ ဒါဟာ စနစ်တကျ မရှိတဲ့ အပြောင်းအရွေ့ ပေါ်လစီ ဖြစ်ပြီး နောက်ဆုံးမှာတော့ ရတဲ့သူကို ခေါ်ယူ ခဲ့တယ်လို့ ကျွန်တော် ထင်ပါတယ်။ အက်ဒီဆင် ကာဗာနီဟာ အရမ်းကို ကောင်းတဲ့ တိုက်စစ်မှုး တစ်ဦး ဖြစ်ခဲ့ပါတယ်။ ဒါပေမယ့် ယူနိုက်တက်ဟာ လွန်ခဲ့တဲ့ နှစ်ပိုင်းတွေမှာ ဒီလိုမျိုး ချည်းပဲ ဖြစ်နေပါတယ်။

နောက်ဆုံး မှာတော့ သူတို့ဟာ ပရိတ်သတ်တွေရဲ့ ဝေဖန်မှု ကနေ ကင်းလွတ် သွားဖို့ အတွက် နာမည်ကြီး ကစားသမား တစ်ဦးကို မြင့်မားတဲ့ လစာနဲ့ ခေါ်ယူ ခဲ့ပါတယ်။ မန်ယူနိုက်တက် အတွက် ကတော့ တကယ်ကို ဆိုးရွားတဲ့ အပြောင်းအရွေ့ ကာလ ဖြစ်ခဲ့ပါတယ်။” လို့ ဆိုသွားပါတယ်။

လီဗာပူး အသင်းဟာ လာမည့် နွေရာသီမှာ မန်ယူနိုက်တက် အသင်းထက် စာရင် ဂျေဒွန်ဆန်ချိုကို ခေါ်ယူ နိုင်ရန် ပိုမို အခြေအနေ ကောင်းနေတယ်လို့ ဖော်ပြ နေကြပေမယ့် သော်မဆန်က အင်္ဂလန် စတားကို ခေါ်ယူ နိုင်ရန် ယူနိုက်တက် အခြေအနေ အကောင်းဆုံး ဖြစ်နေဆဲလို့ ယုံကြည် နေပါတယ်။

သော်မဆန်က “ဂျေဒွန်ဆန်ချိုဟာ အသင်း တစ်သင်းကို အများကြီး လုပ်ပေး နိုင်တဲ့သူ ဖြစ်ပါတယ်။ သွင်းဂိုးတွေတင် မဟုတ်ပါဘူး။ သူဟာ ဂိုးဖန်တီးမှု များစွာလည်း လုပ်နိုင်ပါတယ်။ မိုဆာလား လိုပါပဲ။ သူ့ရဲ့ ပြီးခဲ့တဲ့ ကိန်းဂဏန်း အချက်အလက် တွေကို ခင်ဗျား ကြည့်လိုက်ပါ။ သူ့ရဲ့ ဂိုးဖန်တီးမှု အချိုးဟာ တကယ့်ကို များပြား လှပါတယ်။

ဒီလို ကစားသမားမျိုး ရှိနေတာဟာ ကိုယ့်အသင်းရဲ့ တိုက်စစ်ပိုင်းကို ပြီးပြည့်စုံ စေပါတယ်။ သူဟာ အသင်း တစ်သင်းကို များစွာ အကျိုးပြု နိုင်သူပါ။ လီဗာပူးဟာ ဆန်ချိုကို ခေါ်ယူ နိုင်ရန် ရေပန်းစား နေတယ်လို့ သတင်းတွေ ထွက်နေ ပေမယ့်လည်း သူတို့ဟာ ဂျိုတာကို ခေါ်ယူ ထားခဲ့ပြီး ဖြစ်ပါတယ်။ ဆန်ချိုကို လီဗာပူးတို့ ခေါ်ယူနိုင်ခဲ့ရင် အရမ်းကို ကောင်းမှာ ဖြစ်ပေမယ့်လည်း ဂျိုတာ အန်ဖီးကို ရောက်ရှိ လာခြင်းဟာ မန်ချက်စတာယူနိုက်တက် အတွက် တံခါး ပွင့်သွား စေပါတယ်။” လို့ ဆိုလိုက်ပါတယ်။