Sky Sport ရဲ့ သတင်း သုံးသပ်သူ တစ်ဦး ဖြစ်သူ ဂျေမီ ရက်ဒ်နပ် က မန်ချက်စတာ ယူနိုက်တက် အသင်းမှ ဝါရင့် နောက်ခံလူ တစ်ဦး ဖြစ်တဲ့ အင်္ဂလန် လက်ရွေးစင်ဟောင်း ခရစ် စမောလင်းကို ရိုးမား အသင်းဆီ ရောင်းထုတ် လိုက်တဲ့ အပေါ် ဝေဖန် ထိုးနှက် သွားခဲ့လိုက် ပါတယ် ။
![](https://sportsmyan.com/wp-content/uploads/2020/10/chris-smalling-1024x536.jpg)
အခုလို ဝေဖန် ထိုးနှက် ရတဲ့ အဓိက အကြောင်းအရင်း ကတော့ စမောလင်းဟာ လက်ရှိ ယူနိုက်တက် ခံစစ် ကစားသမား နှစ်ဦး ဖြစ်တဲ့ လင်ဒီလော့ဖ် ၊ အဲရစ် ဘိုင်လီ တို့ထက် ပိုကောင်းတဲ့ ခံစစ် ကစားသမား ဖြစ်တယ်လို့ ရက်ဒ်နပ် က ယုံကြည် နေတာ ကြောင့်ပဲ ဖြစ်ပါတယ် ။
မန်ချက်စတာ ယူနိုက်တက် အသင်းဟာ ဒီနွေ အပြောင်းအရွှေ့ အတွင်း အေဂျက်ဇ် အသင်းမှ ကွင်းလယ်လူ ဒွန်နီ ဗန်ဒီ ဘိခ် တစ်ဦးထဲ ကိုသာ ခေါ်ယူ ထားနိုင် ခဲ့ပြီး ဒေါ့မွန် အသင်းမှ ဂျေဒန် ဆန်ချို နောက်ကိုပဲ ဆက်တိုက် လိုက်နေခဲ့ ပါတယ် ။ ဒါပေမယ့် မထူးခြားခဲ့ ပါဘူး ။
ဒါပေမယ့် အပြောင်းအရွှေ့ နောက်ဆုံးရက် တွေမှာတော့ ပေါ်တို အသင်းမှ ဘယ် နောက်ခံလူ အဲလက်စ် တဲလက်စ် နဲ့ psg တိုက်စစ်မှူးဟောင်း အီဒင်ဆန် ကာဗာနီ တို့ကို ခေါ်ယူ ဖြစ်ခဲ့ ပါတယ် ။ အဲ့ဒီနောက် ဝါရင့် နောက်ခံလူ စမောလင်း ကို ရိုးမား အသင်းဆီ ပေါင် 13.6 သန်းနဲ့ ရောင်းချခဲ့ ပါတယ် ။
အခုတော့ ဂျေမီ ရက်ဒ်နပ် က မန်ချက်စတာ ယူနိုက်တက် အသင်း ရဲ့ အဓိက ပြသနာဟာ ခံစစ်မှာ ရှိနေတာကို သိလျှက် နဲ့ ဆိုးလ်ရှားဟာ အင်္ဂလန် လက်ရွေးစင်ဟောင်း စမောလင်း ကို ဘာ့ကြောင့် ထွက်ခွာခွင့် ပြုလိုက် သလဲ ဆိုတာကို နားမလည် နိုင် ဖြစ်ရကြောင်း ဝေဖန် ထိုးနှက် သွားခဲ့လိုက် ပါတယ် ။
” အကယ်လို့ စပါးနဲ့ ကစား ခဲ့တဲ့ ပွဲစဉ်ကို ကြည့်ရှု လိုက်မယ် ဆိုရင် မန်ချက်စတာ ယူနိုက်တက် အသင်းဟာ နေရာတိုင်း အတွက် ကစားသမားသစ် တစ်ဦးစီ လိုအပ်တယ် ဆိုတာကို သိမြင် ခဲ့ပါ လိမ့်မယ် ။ အဲ့ဒီ ပွဲမှာ ပါဝင်နေတဲ့ ဘယ်သူက မှ မန်ချက်စတာ ဘာမှ မလုပ်ပြ နိုင်ခဲ့ကြ ပါဘူး ”
![](https://sportsmyan.com/wp-content/uploads/2020/09/Manchester-united-51-1024x536.jpg)
” ယူနိုက်တက် ကစားသမား ဖြစ်ဖို့ ထိုက်တန်လား ဆိုတာကို သူတို့ မပြသ နိုင်ခဲ့ကြ ပါဘူး ။ ဆိုးလ်ရှား အနေနဲ့ ရှိတဲ့ ကစားသမားတွေကို အများကြီး ပိုကောင်းအောင် လုပ်ဖို့ လိုအပ် နေပါ သေးတယ် ။ အဲ့ဒီထဲက စိတ်ဝင်စား စရာ ကောင်းတာ တစ်ခုက သူတို့ စမောလင်းကို ထွက်ခွာခွင့် ပေးဆောင် ခဲ့ခြင်း ပါပဲ ”
” ကျွန်တော် ဘိုင်လီ နဲ့ လင်ဒီလော့ဖ် တို့ကို စောင့်ကြည့် ဖြစ်ခဲ့ဖူး ပါတယ် ။ စမောလင်း ကတော့ အီတလီ မြေကို သွားရောက် ခဲ့ပြီး အောင်မြင်တဲ့ ဘောလုံး ရာသီ ပိုင်ဆိုင် ထားနိုင်ခဲ့ ပါတယ် ။ ကျွန်တော့် အတွက် ယူနိုက်တက်မှာ ရှိနေကြသူ တွေထက် ခရစ် စမောလင်းက အများကြီး ပိုကောင်း ပါတယ် ” လို့ ရက်ဒ်နပ် က ဝေဖန် ထိုးနှက် သွားခဲ့တာပဲ ဖြစ်ပါတယ် ။
![](https://sportsmyan.com/wp-content/uploads/2020/10/manchester-united-70-1024x536.jpg)
မန်ချက်စတာ ယူနိုက်တက် အသင်းဟာ ပြီးခဲ့တဲ့ ရက်ပိုင်း က တော့တင်ဟမ် ဟော့ စပါး အသင်းကို အိမ်ကွင်းမှာ ဧည့်ခံ ကစားခဲ့ဲ ရပြီး 1 – 6 ဆိုတဲ့ ရလဒ် နဲ့ ဂိုးပြတ် ရှုံးနိမ့် ခဲ့ရ ပါတယ် ။ အဆိုပါ ပွဲစဉ်မှာ ယူနိုက်တက် ခံစစ် ကစားသမား တွေရဲ့ စွမ်းဆောင်ရည် တွေက စိတ်ပျက် ဖွယ်ရာ ဖြစ်ခဲ့ရ ပါတယ် ။