အာဆင်နယ်အသင်းသည် မြို့ခံပြိုင်ဘက် ချယ်လ်ဆီးအသင်းမှ အီတလီလက်ရွေးစင်ကွင်းလယ်လူ ဂျော်ဂျင်ဟိုအားခေါ်ယူရန် မျက်စိကျနေကြောင်း Sky Sports သတင်းဌာနက ဖော်ပြခဲ့သည်။
အာဆင်နယ်အသင်းနည်းပြ အာတီတာသည် ဂျော်ဂျင်ဟိုအား နှစ်သက်သူတစ်ဦးဖြစ်ပြီး မန်စီးတီးအသင်းတွင် နည်းပြဂွါဒီယိုလာ၏လက်ထောက်အဖြစ် ပြုလုပ်ခဲ့စဉ် ၂၀၁၈ ခုနှစ်အတွင်းက ဂျော်ဂျင်ဟိုကို မန်စီးတီးသို့ခေါ်ယူရန် ကြိုးစားခဲ့ဖူးသည်။
ထိုစဉ်က ဂျော်ဂျင်ဟိုသည် နာပိုလီနည်းပြဟောင်း ဆာရီ၏ချယ်လ်ဆီးကို ရွေးချယ်သွားခဲ့ပြီး ယခုအခါ အာတီတာက ၎င်းအား ပြန်လည်ပစ်မှတ်ထားနေခြင်းဖြစ်သည်။
![](https://sportsmyan.com/wp-content/uploads/2020/09/chelsea-jorginho-2-1024x536.jpg)
ဂျော်ဂျင်ဟိုအနေဖြင့် ပရီးမီးယားလိဂ်အဖွင့်(၂)ပွဲတွင် ပွဲထွက်ကစားခွင့်ရခဲ့သော်လည်း နောက်ဆုံး(၂)ပွဲတွင် အရန်ခုံ၌သာ ထိုင်ခဲ့ရသည်။
၎င်းအား ပြင်သစ်ထိပ်သီးကလပ် PSG အသင်းမှ အငှားစာချုပ်ဖြင့်ခေါ်ယူရန် စိတ်ဝင်စားနေကြောင်းလည်း သိရသည်။
ဂျော်ဂျင်ဟိုသည် ၂၀၁၈ နွေရာသီက ပြောင်းရွှေ့ကြေး ပေါင်(၅၇)သန်းဖြင့် နာပိုလီအသင်းမှ ပြောင်းရွှေ့လာသူဖြစ်သည်။