ဒူးဒဏ်ရာကြောင့် အနားယူနေရသည့် မန်စီးတီးတိုက်စစ်မှူး အဂွဲရိုးသည် တစ်လအတွင်း ဘောလုံးပြန်ကစားနိုင်ဖွယ်ရှိကြောင်း သိရသည်။
ပြီးခဲ့သည့်ရက်ပိုင်းက ၀ါရင့်တိုက်စစ်မှူး အဂွဲရိုးအနေဖြင့် ဒူးဒဏ်ရာကြောင့် အနားယူနေရပြီး ၎င်းအနေဖြင့် ကြံခိုင်မှုပြန်လည်ပြည့်ဝရန် (၂)လခန့်အနားယူရဖွယ်ရှိကြောင်း မန်စီးတီးအသင်းနည်းပြ ဂွါဒီယိုလာက ပြောကြားခဲ့သည်။
အဂွဲရိုးသည် သူ၏ ဒူးဒဏ်ရာကို ခွဲစိတ်ကုသမှုခံယူခဲ့ပြီးနောက် ယခုအခါအသင်းနှင့်မပူးပေါင်းနိုင်သေးဘဲ တစ်ဦးတည်းလေ့ကျင့်မှုများသာ ပြုလုပ်လျက်ရှိကြောင်း သိရသည်။
သို့သော် ၎င်းက လာမည့်နိုင်ငံတကာရက်သတ္တပတ်အပြီး ပြိုင်ပွဲများပြန်လည်ကစားရန် ယုံကြည်နေကြောင်း သတင်းများက ဖော်ပြခဲ့သည်။
အဂွဲရိုးသည် စက်တင်ဘာလ ၂၁ ရက်က မန်စီးတီးအသင်းလေ့ကျင့်ရေးကွင်း၌ တစ်ဦးတည်းလေ့ကျင့်နေသည့်ဗီဒီယိုဖိုင်ကို သူ၏Twitterတွင် တင်ရှိခဲ့ပြီးနောက် အသင်းနှင့်အတူပြန်ကစားရန် ပိုမိုနီးစပ်လာခဲ့သည်။
၎င်းမှာ ဇွန်လ(၂၂)ရက်ကကစားခဲ့သည့် ဘန်လေနှင့်ပွဲတွင် ဒဏ်ရာရပြီးကတည်းက အနားယူခဲ့ရခြင်းဖြစ်သည်။
အ သက် (၃၂)နှစ်အရွယ်ရှိ အဂွဲရိုးသည် ပြီးခဲ့သည့်ရာသီက မန်စီးတီးအသင်း အတွက် ပြိုင်ပွဲစုံ(၃၂)ပွဲကစားရာတွင် (၂၃)ဂိုး သွင်းယူပေးခဲ့သူဖြစ်ပြီး မန်စီး တီးအသင်းသည် သူ၏နေရာတွင် ရေ ရှည် အစားထိုးရန်အတွက် တိုက်စစ် မှူးသစ် ရှာဖွေလျက်ရှိနေသည်။
