နာပိုလီတွင် ကူလီဘလီဆက်ရှိနေမည်ဟု ဒီလော်ရန်းတစ် အတည်ပြု

မန်စီးတီးနှင့် PSG အသင်းအပါအဝင် ဥရောပထိပ်တန်းအသင်းများ ပစ်မှတ်ထားနေသည့် နောက်ခံလူ ကူလီဘလီသည် အသင်းပြောင်းရွှေ့မည်မဟုတ်ကြောင်း နာပိုလီအသင်းဥက္ကဋ္ဌ ဒီလော်ရန်းတစ်က အတည်ပြုခဲ့သည်။

ဒီလော်ရန်းတစ်သည် ကူလီဘလီအတွက် ပြောင်းရွှေ့ကြေးအနည်းဆုံး ယူရိုသန်း (၈၀) သတ်မှတ်ထားပြီး ယင်းပမာဏကို ပေးချေမည့်အသင်းမရှိသဖြင့် ဆက်လက်ထိန်းသိမ်းခဲ့ခြင်းဖြစ်ကြောင်း La Repubblica က ဖော် ပြခဲ့သည်။

မန်စီးတီးအသင်းသည် မူလက ကူလီဘလီကိုခေါ်ယူရန် သဘောတူညီမှုရရှိခဲ့ပြီဟု သတင်းများထွက်ပေါ်ခဲ့သော်လည်း နာပိုလီအသင်းသတ်မှတ်ထားသည့် ပြောင်းရွှေ့ကြေး ယူရိုသန်း (၈၀)ထက်နည်းပါးသည့် ပမာဏ ဖြင့်သာကမ်းလှမ်းခဲ့သဖြင့် အပြောင်းအရွှေ့ ဖြစ်မလာခဲ့ခြင်းဖြစ်သည်။

နာပိုလီအသင်းသည် ကူလီဘလီကို ရောင်းချပြီး ရရှိလာမည့် ပြောင်းရွှေ့ကြေး ယူရိုသန်း (၈၀)ကိုအသုံးပြု၍ ကွင်းလယ်နှင့် တောင်ပံကစားသမားများခေါ်ယူသွားရန် ရည်ရွယ်ထားကြောင်း သိရသည်။

ကူလီဘလီသည် ပြီးခဲ့သည့်နှစ်များအတွင်းမှစတင်၍ ဥရောပထိပ်တန်းအသင်းများ၏ ပစ်မှတ်ဖြစ်နေခဲ့သော်လည်း လက်ရှိအချိန်အထိ နာပိုလီကစားသမားအဖြစ် ရှိနေဆဲဖြစ်သည်။

ကူလီဘလီသည် ၂၀၁၄ ခုနှစ်တွင် KRC ဂျန့်အသင်းမှ နာပိုလီအသင်းသို့ ပြောင်းရွှေ့လာပြီး နာပိုလီ အတွက် ပွဲပေါင်း (၁၈၄)ပွဲ ကစားထားသည်။