အဲဗာတန် – ဝက်စ်ဘရွန်း (မြန်မာစံတော်ချိန် စက်တင်ဘာ ၁၉ ရက်၊ ညနေ ၆:၀၀ နာရီ)
အဲဗာတန်က စပါးနဲ့ ပွဲမှာအကောင်းဆုံးပုံစံကို ပြသခဲ့တယ်။ ကွင်းလယ်၊ တိုက်စစ်နဲ့ ခံစစ် နေရာစုံမှာ ကစားသမားကောင်းတွေနဲ့ စုဖွဲ့ထားပြီး အဖွင့်ပွဲတုန်းက ဖန်တီးမှုနဲ့ သွင်းဂိုးတွေ မလုပ်နိုင်ခဲ့တဲ့ ဟာမီးစ်ကို ဒီပွဲမှာတော့ စောင့်ကြည့်ရလိမ့်မယ်။ ဝက်စ်ဘရွန်းက လက်စတာနဲ့ ပွဲတုန်းက ကစားပုံမဆိုးပါဘူး။ ဒါပေမဲ့ တိုက်စစ်ကစားပုံ လိုအပ်ချက်ရှိတာ တွေ့ရတယ်။ အဲဗာတန် နိုင်ပွဲဆက်ဦးမယ်။
လိဒ်စ် – ဖူလ်ဟမ် (မြန်မာစံတော်ချိန် စက်တင်ဘာ ၁၉ ရက်၊ ည ၈:၃၀ နာရီ)
တန်းတက်အသင်းနှစ်သင်း ထိပ်တို်က်တွေ့တဲ့ပွဲစဉ်ဖြစ်ပြီး လိဒ်စ်ရဲ့ခြေစွမ်းကတော့ အဖွင့်ပွဲတုန်းက မြင်ခဲ့ရတယ်။ နှစ်သင်းစလုံးက အဖွင့်ပွဲမှာ ရှုံးခဲ့ကြပြီး ဖူလ်ဟမ်ရဲ့ အိမ်ကွင်းရှုံးပွဲမှာတော့ ခြေစွမ်းပိုင်းက အားရစရာမရှိဘူး။ လိဒ်စ်ရဲ့တောင်ပံတိုက်စစ်က ဟယ်ရီဆင်နဲ့ ဟယ်လ်ဒါကော်စတာတို့က ဖူလ်ဟမ်ခံစစ်ကို ဒုက္ခပေးနိုင်ပြီး ဘမ်းဖို့ဒ်လည်း ဂိုးရနိုင်တယ်။ လိဒ်စ် အနိုင်ရပါလိမ့်မယ်။
မန်ယူ – ခရစ္စတယ်ပဲလေ့စ် (မြန်မာစံတော်ချိန် စက်တင်ဘာ ၁၉ ရက်၊ ည ၁၁:၀၀ နာရီ)
ပဲလေ့စ်က ရာသီအဖွင့်ပွဲမှာ နိုင်ပွဲရခဲ့ပေမယ့် ပြီးခဲ့တဲ့ လိဂ်ဖလားပွဲမှာတော့ ဘုန်းမောက်ကို ရှုံးခဲ့တယ်။ ဆောက်သမ်တန်ကို အနိုင်ရခဲ့တဲ့ပွဲကတည်းက ပဲလေ့စ်ရဲ့တိုက်စစ်က အားရစရာမရှိပါဘူး။ မန်ယူက ဒီပွဲမှာ ပထမဆုံးကစားမှာဖြစ်ပြီး အဓိက ကစားသမား အစုံအလင်နဲ့ ပွဲထွက်လာလိမ့်မယ်။ မန်ယူရဲ့တိုက်စစ်ကို ပဲလေ့စ် ခံကစားနိုင်လိမ့်မယ် မထင်ဘူး။ မန်ယူ နိုင်ပွဲသေချာတယ်။
အာဆင်နယ် – ဝက်စ်ဟမ်း (မြန်မာစံတော်ချိန် စက်တင်ဘာ ၂၀ ရက်၊ နံနက် ၁:၃၀ နာရီ)
အဖွင့်ပွဲတုန်းက ရှုံးပွဲတွေ့ထားလို့ စိတ်ပျက်နေတဲ့ ဒေးဗစ်မွိုက်စ်အတွက်တော့ ဒီပွဲကလည်း စိတ်ပျက်စရာဖြစ်လာလိမ့်မယ်။ အဲဗာတန်နည်းပြဘဝမှာ သူ့ရဲ့တပည့်ဟောင်းဖြစ်ခဲ့တဲ့ အာတီတာနဲ့ ပြန်လည်ဆုံတွေ့နေတာဖြစ်ပြီး အာတီတာရဲ့အသင်းက အဖွင့်ပွဲမှာ ဂိုးပြတ်နိုင်ပွဲနဲ့အတူ ယုံကြည်မှုကို တည်ဆောက်နိုင်ခဲ့တာလည်း တွေ့ရတယ်။ ဒီပွဲလည်း အာဆင်နယ် နိုင်ပွဲဆက်ပါလိမ့်မယ်။
