ဘာစီလိုနာအသင်းနည်းပြ ဟန်စီဖလစ်ဟာ စနေနေ့က ရီးရဲလ်ဘက်တစ်နှင့် ၂-၂ ဂိုး သရေကျခဲ့တဲ့ပွဲတွင် အနီကဒ်ပြထုတ်ပယ်ခြင်းခံရပြီးနောက် သူ့ရဲ့နည်းပြဘဝ ပထမဆုံးသော ပွဲကြီးကြပ်ခွင့်ပိတ်ပင်မှုကို ချမှတ်ခြင်းခံခဲ့ရပါတယ်။ ဖလစ်ခ်ဟာ သူ့မှာအပြစ်မရှိကြောင်း ပြောကြားခဲ့ပေမယ့် သူ့ရဲ့ ဒေါသဖြင့်ပြောကြားမှုကြောင့် ငြင်းပယ်ခြင်းခံလိုက်ရပါတယ်။
ဂျာမန်သားနည်းပြဟာ ဘိုင်ယန်မြူးနစ်နှင့် ဂျာမနီ အတွက် ကိုင်တွယ်ခဲ့တဲ့ ၁၁၁ ပွဲတွင် အဝါကဒ်တစ်ကတ်သာ ရရှိခဲ့သော်လည်း တနင်္ဂနွေနေ့တွင် အနီကဒ်ပြသခြင်းခံခဲ့ရကာ ဒိုင်အဖွဲချုပ်က သူ့ကို နှစ်ပွဲပယ်ပြစ်ဒဏ် ချမှတ်ခဲ့ပါတယ်လို့ MD က ဖော်ပြထားပါတယ်။ ဖလစ်ခ်ဟာ ဂီတာဖေးနှင့်ပွဲမတိုင်ခင်အထိ ပွဲကြီးကြပ်ခွင့် ရရှိမှာ မဟုတ်ပါဘူး။
ဘာစီလိုနာဟာ သူ့ရဲ့ပြစ်ဒဏ်အတွက် အယူခံဝင်ရန် ဆုံးဖြတ်ထားပြီးဖြစ်ပါတယ်။ ဖလစ်ခ်က ဘယ်သူ့ကိုမှ ဘာမှမပြောခဲ့ပါဘူးလို့ဆိုကာ ကွင်းလယ်ဒိုင်ရဲ့ဆုံးဖြတ်ချက်ကြောင့် အံ့သြသွားခဲ့ရပါတယ်။ ဘာစီလိုနာ နည်းပြဟာ အရန်ခုံတန်းကနေ ထွက်ခွာခဲ့ပြီး ဘက်တစ်အား ပင်နယ်တီပေးခဲ့တဲ့ ဒိုင်လူကြီးရဲ့ ဆုံးဖြတ်ချက်ကို ဒေါသထွက် အော်ဟစ်ကာ ပြောကြားခဲ့ခြင်းကြောင့် အနီကဒ်ပြခံခဲ့ရသော်လည်း ဖလစ်ခ်ကတော့ ဒါဟာ သူ့ရဲ့ ကစားသမားများကို ရိုးရိုးရှင်းရှင်း အော်ဟစ်နေခြင်းသာဖြစ်ကြောင်း ပြောကြားခဲ့ပါတယ်။
ဖလစ်ခ်ဟာ လက်ကို ဒေါသတကြီး ဝှေ့ယမ်းနေတဲ့ ဗီဒီယို အထောက်အထားတွေအရ ကွင်းလယ်ဒိုင်ဟာ လေးယောက်မြောက်ဒိုင်ရဲ့ အကြံပေးချက်အရ သူ့ကို ထုတ်ပစ်ဖို့ ဆုံးဖြတ်ခဲ့ပေမယ့် ဒီအခြေအနေမှာ ဒိုင်လူကြီးက အမှားအယွင်း ရှိခဲ့တဲ့အတွက် အယူခံဝင်မှာ ဖြစ်ပါတယ်။ ဖလစ်ခ်ရဲ့ အပြုအမူဟာ အပြစ်ပေးခံရမှာ မဟုတ်ပါဘူး။ ဆုံးဖြတ်ချက်ချပြီးနောက် ဖလစ်ခ်ဟာ ဒိုင်လူကြီးရဲ့အနီကဒ်ပြသခြင်းကို ဒေါသတကြီးပြောကြားခဲ့ပါတယ်။
အကယ်၍ ပြစ်ဒဏ်ကို အတည်ပြုခဲ့ပါက ဘာစီလိုနာဟာ လီဂါနက်စ်၊ အက်သလက်တီကိုမက်ဒရစ်တို့နှင့် ယှဉ်ပြိုင်ရမယ့် ပွဲစဉ်တွေမှာ နည်းပြရဲ့ကြီးကြပ်မှုမပါဝင်ဘဲ ကစားရမှာဖြစ်ပါတယ်။
