ပြီးခဲ့တဲ့ရက်သတ္တပတ်တုန်းက ဘာစီလိုနာအသင်းဟာ စပိန်ဘောလုံးအဖွဲ့ချုပ် RFEF နှင့် ပြဿနာတက်ခဲ့တာဖြစ်ပါတယ်။ ဒါဟာ ယာမယ်ကြောင့်ဖြစ်ခဲ့တာဖြစ်ပြီး စပိန်ရဲ့ ဒိန်းမတ်အား အနိုင်ရရှိခဲ့တဲ့ပွဲမှာ လူငယ်ကစားသမားဟာ ဒဏ်ရာရရှိခဲ့သော်လည်း လက်ရွေးစင်အသင်းက သူ့ကိုဆက်ခေါ်ယူထားတာလည်းဖြစ်ပါတယ်။ ကတ္တလန်ကလပ်ရဲ့ တောင်းဆိုချက်များကြောင့် ဆေးစစ်မှုများ ပြုလုပ်ချိန်မှာတော့ အသက် ၁၇ နှစ်အရွယ် ကစားသမားဟာ လက်ရွေးစင်အသင်းရဲ့ လူစာရင်းကနေ နှုတ်ထွက်သွားခဲ့ရပါတယ်။
သူကိုယ်တိုင်က လက်ရွေးစင်နည်းပြလုပ်ခဲ့ဖူးတဲ့ ဖလစ်ကတော့ အဆိုပါအခြေအနေနဲ့ ပတ်သက်ပြီး ချိန်ဆ ပြောကြားခဲ့ကာ အဖွဲ့ချုပ်နှင့် လက်ရွေးစင်နည်းပြ ဖူရန်တီကိုလည်း စာနာမိကြောင်း ပြောြကားထားပါတယ်။
“ကျွန်တော်ကတော့ အခြားတစ်ဖက်မှာပါ။ နည်းပြက လုပ်ဆောင်ခဲ့ပြီး သူက အဆင်ပြေပါတယ်။ ကစားသမားဆိုတာက အနားယူရပါမယ်။ လုပ်ကိုလုပ်ရမှာပါ။ စပိန်လက်ရွေးစင်အသင်းမှာ ကစားသမားကောင်းများစွာရှိပြီး တစ်စုံတစ်ယောက် မကစားနိုင်ရင်လည်း ပြဿနာဖြစ်သွားမယ့် အသင်းမျိုးမဟုတ်ပါဘူး” လို့ ဖလစ်က ပြောပါတယ်။
လာမယ့်ရက်သတ္တပတ် ဘာစီလိုနာရဲ့ အရေးပါတဲ့ ပွဲစဉ်တွေဖြစ်တဲ့ ဘိုင်ယန်မြူးနစ်နှင့် ရီးရဲလ်မက်ဒရစ်တို့ ပွဲစဉ်များမတိုင်မီ ယာမယ်ရဲ့ဒဏ်ရာအခြေအနေကို ဖလစ်က ပြောကြားခဲ့ပါတယ်။
“မနက်ဖြန်ပွဲအတွက်ကိုသာ အာရုံစိုက်ထားပါတယ်။ တဆင့်ပြီးတဆင့်သွားကြရအောင်ပါ။ ဒါဟာ အရေးပါပွဲဖြစ်ပြီး အကောင်းဆုံးဖြစ်မယ့်သူတွေနဲ့သာ ပွဲထွက်သွားမှာပါ။ ဒါကတော့ ကျွန်တော်တို့ရဲ့ အစီစဉ်ပါပဲ။ ကုသမှုကလည်း ပြီးသွားပြီဖြစ်လို့ ကောင်းကောင်းသက်သာလာမှာပါ။ နည်းပြအနေနဲ့ သူ့ကိုအနားပေးလိုက်တာက ကောင်းတဲ့ ဆုံဖြတ်ချက်ပါ သူကတော့ အဆင်သင့်ဖြစ်နေပါပြီ” လို့ ဖလစ်က ပြောပါတယ်။
