ယူနိုက်တက်အသင်းဟာ အောက်တိုဘာ နိုင်ငံတကာပွဲစဉ်တွေမတိုင်ခင် အဆင့်၁၄နေရာမှာသာ ရပ်တည်ထားနိုင်ခဲ့ပြီး နည်းပြတန်ဟတ်အတွက်လည်း ဖိအားတွေ အလွန်များနေပါတယ်။
နိုင်ငံတကာပွဲစဉ်တွေ ကစားနေစဉ်အတွင်း INEOS ဟာ အစည်းအဝေးတွေ ပြုလုပ်ခဲ့ပေမယ့် တန်ဟတ်ကို အချိန်ထပ်ပေးဖို့ ဆုံးဖြတ်ခဲ့ပါတယ်။
ယူနိုက်တက်အသင်းဟာ တန်ဟတ်ကို ထုတ်ပယ်ဖြစ်မယ်ဆိုရင် ချဲလ်ဆီးနည်းပြဟောင်း တူချယ်ကို နည်းပြသစ်အဖြစ် ခန့်အပ်ဖို့ စီစဉ်ထားခဲ့ပေမယ့် ဂျာမန်သားက အင်္ဂလန်နည်းပြသစ်ရာထူးကို လက်ခံသွားခဲ့ပါတယ်။
လက်ရှိမှာ တန်ဟတ်အတွက် အချိန်ပေးထားတယ်ဆိုပေမယ့် ယခုအပတ် ဘရန့်ဖို့ဒ်နဲ့ပွဲစဉ်မှာ နယ်သာလန်သားရဲ့စွမ်းဆောင်ရည်ကို အကဲဖြတ်သွားဦးမယ်လို့ ဆိုပါတယ်။
Daily Mailရဲ့အဆိုအရ ယူနိုက်တက်အသင်းဟာ ဘရန့်ဖို့ဒ်နဲ့ပွဲမှာသာ ရှုံးနိမ့်ခဲ့မယ်ဆိုရင် တန်ဟတ်ကို ထုတ်ပယ်ဖို့ ပြင်ဆင်ထားကြောင်း သိရပါတယ်။
ယူနိုက်တက်အသင်းမှာ ဒဏ်ရာရပြဿနာတွေ တဖန်များပြားလာပြီး မာဇရာဝီလည်း အနားယူရမှာဖြစ်တာကြောင့် ဂျွန်နီအီဗန်စ်ကို ဘယ်တောင်ပံမှာ အသုံးပြုရဖို့ရှိနေပါတယ်။
