အာဆင်နယ်နည်းပြ မီခေးလ်အာတီတာက မန်စီးတီးနဲ့ ပြိုင်ဆိုင်မှုပြင်းထန်တဲ့ ဆုဖလားတိုက်ပွဲဟာ ပက်ဂွါဒီယိုလာနဲ့ဆက်ဆံရေးကို ထိခိုက်စေမှာမဟုတ်ဘူးလို့ ပြောခဲ့ပါတယ်။ ဒီနှစ်ရာသီ ပရီးမီးယားလိဂ်ချန်ပီယံလုပွဲက ပြင်းထန်နေပြီး မန်စီးတီး ၂-၂ အာဆင်နယ် ပွဲအပြီးမှာ စကားလုံးတိုက်ပွဲတွေနဲ့အတူ နှစ်သင်းကြကား ပြိုင်ဆိုင်မှု ပိုပြီးပြင်းထန်လာခဲ့ပါတယ်။
မန်စီးတီးကစားသမားအများစုက အာဆင်နယ်အသင်းရဲ့ နည်းစနစ်ပိုင်းအပေါ် ပြင်းထန်စွာ ဝေဖန်ခဲ့ကြပေမယ့် အာတီတာကတော့ ဆရာဖြစ်သူ ဂွါဒီယိုလာအပေါ် ကြီးမားတဲ့ လေးစားမှုရှိနေဆဲဖြစ်ကြောင်း ပြောခဲ့ပါတယ်။
အာတီတာက “ကျွန်တော် ဂွါဒီယိုလာကို ချစ်ပြီး လေးစားပါတယ်။ သူ့ကို အားကျပြီး သူလုပ်ပြခဲ့တာတွေကိုလည်း သဘောကျပါတယ်။ ဒါက အားကစားပါ။ တစ်ခုက ပရောက်ဖက်ရှင်ဘဝဖြစ်ပြီး တစ်ခုက ကိုယ်ရေးကိုယ်တာ ဆက်ဆံရေးပါ။
ကျွန်တော်တို့ရဲ့ ဆက်ဆံရေးက သရေပွဲတစ်ပွဲ ဒါမှမဟုတ် သူတို့က ကျွန်တော်တို့ကို အနိုင်ယူနိုင်ခဲ့ခြင်းနဲ့ပတ်သက်ပြီး ထိခိုက်လာမယ်ဆိုရင်တော့ ကျွန်တော် သူ့ကို စကားပြောတော့မှာ မဟုတ်ပါဘူး။ ဒါကြောင့် ဒါက ကျွန်တော်တို့ရဲ့ဆက်ဆံရေးဖြစ်ပြီး အားကစားမှာ ကိုယ်ရေးကိုယ်တာ ဆက်ဆံရေးကို ထည့်စဉ်းစားမှာ မဟုတ်ပါဘူး။ အဲ့ဒါသေချာပါတယ်။
ကျွန်တော့်ရဲ့အမြင်တွေကို မကြိုက်ဘူးဆိုရင် ကျွန်တော်ရှိနေတဲ့နေရာမှာ ခင်ဗျားရှိမနေသင့်ပါဘူး။ အဲ့ဒါက ရိုးရိုးလေးပါ။ ဒါက ကျွန်တော်တို့ရဲ့အလုပ်ပြီး ကိုယ်ရေးကိုယ်တာကိစ္စလို့ မမှတ်ယူပါနဲ့။ ကိုယ် ဂရုစိုက်တဲ့အရာတွေကို မှန်ကန်တဲ့နည်းလမ်းနဲ့ ထိန်းညှိနိုင်ဖို့ လိုပါတယ်။ အဲ့ဒါက ကျွန်တော် ဂရုစိုက်တဲ့ ဆက်ဆံရေးပါပဲ။”လို့ ပြောခဲ့ပါတယ်။
အာဆင်နယ်အသင်းဟာ ယနေ့ည လက်စတာနဲ့ ရင်ဆိုင်ရမှာဖြစ်ပြီး မန်စီးတီးကတော့ အစောပွဲစဉ်အဖြစ် နယူးကာဆယ်နဲ့ အဝေးကွင်းပွဲစဉ် ကစားရမှာ ဖြစ်ပါတယ်။
