အင်တာမိုင်ယာမီအသင်းနည်းပြမာတီနိုကမိမိတို့အနေနဲ့ မက်ဆီကိုလွမ်းဆွတ်သော်လည်းအရဲစွန့်ပြီးအသုံးပြုမှာမဟုတ်ဘူးလို့ အခိုင်အမာပြောကြားလိုက်ပါတယ်။ ဒဏ်ရာကြောင့် ၂ လကြာအနားယူခဲ့ရပြီးနောက် စနေနေ့ညကယူနီယံအသင်းကို ၃-၁ နဲ့ အနိုင်ရခဲ့တဲ့ပွဲမှာ ၂ ဂိုးသွင်း ၊ ၁ ဂိုးဖန်တီးနိုင်ခဲ့ပါတယ်။
ဒါပေမယ့် မာတီနိုကအဆိုပါပွဲမှာမက်ဆီတစ်ယောက် ၁၀၅ မိနစ်အထိ ပါဝင်ကစားခဲ့ရတာကြောင့် ပွဲအပြီးမှာပင်ပန်းနေတယ်လို့ အတည်ပြုခဲ့ပါတယ်။ မက်ဆီဟာအသင်းအတွက် အရေးပါတဲ့အမှတ်ကိုရယူပေးနိုင်ခဲ့သလိုအင်တာမိုင်ယာမီကလက်ရှိမှာအရှေ့ကွန်းဖရန့်လိဂ်ရဲ့အမှတ်ပေးဇယားမှာထိပ်ဆုံးမှာနေရာမှာရပ်တည်နေပြီးမေဂျာလိဂ်ဆုဖလားအောင်မြင်မှုရယူနိုင်ဖို့ ပစ်မှတ်ထားနေပါတယ်။
အခုချိန်မှာတော့ မာတီနိုကမိမိတို့အနေနဲ့ ကစားသမားတွေကိုအလျင်စလိုအသုံးပြုမှာမဟုတ်ပဲအနားပေးမယ်လို့ အတည်ပြုခဲ့ပါတယ်။
အင်တာမိုင်ယာမီအသင်းဟာလာမယ့်ရက်အနည်းငယ်မှာပွဲကျပ်ဖွယ်ရှိနေပြီးမက်ဆီရဲ့ကြံ့ခိုင်မှုအနေအထားကအရေးပါနေပါတယ်။ မာတီနိုရဲ့အသင်းဟာလာမယ့်ဗုဒ္ဓဟူးနေ့မှာအတ္တလန္တာယူနိုက်တက်နဲ့ရင်ဆိုင်ရမှာဖြစ်ပြီးအဲ့နောက် စနေနေ့မှာနယူးယောက်ခ်စီးတီးအသင်းနဲ့ထပ်မံရင်ဆိုင်ရမှာဖြစ်ပါတယ်။
