ဘရိုက်တန် အသင်း နည်းပြ ရောဘတ်တို ဒီဇာဘီ ကတော့ အမ်းမရိတ်မှာ အာဆင်နယ် အသင်းကို အရေးနိမ့် ခဲ့ရပြီးနောက် အာတီတာ ရဲ့ အသင်းဟာ လက်ရှိ ပရီးမီးယားလိဂ် ရဲ့အကောင်းဆုံး အသင်း ဖြစ်တယ်လို့ ချီးကျူး ပြောကြား သွားခဲ့ပါတယ် ။
အာဆင်နယ် အသင်းဟာ ဒီတစ်ပတ်မှာ ဘရိုက်တန် အသင်းကို ခြေစွမ်းပိုင်း အသာစီး ၊ ဂိုးပေါက် ခြိမ်းခြောက်မှု များစွာ ပြုလုပ်ပြီး ဂျေးဇု ၊ ဟားဗတ်ဇ် တို့ရဲ့ ဒုတိယပိုင်း သွင်းဂိုးတွေ နဲ့ အတူ နှစ်ဂိုးပြတ် အနိုင်ရကာ အမှတ်ပေး ဇယားထိပ်ဆုံးကို ရောက်ရှိ လာခဲ့ပါတယ် ။
ဘရိုက်တန် အသင်းဟာ အာဆင်နယ် အသင်းကို ဘယ်လိုမှ မယှဉ်နိုင်ခဲ့ဘဲ ဒီရာသီ ပထမဆုံး အကြိမ် ဂိုးမသွင်းနိုင်တဲ့ ပွဲလည်း ဖြစ်ခဲ့ရပါတယ် ။ ပွဲအပြီးမှာတော့ ဘရိုက်တန် နည်းပြ ဒီဇာဘီ က ” အာဆင်နယ် က ကျနော််တို့ အသင်းထက် အများကြီး ပိုကောင်းအောင် ကစား နိုင်ခဲ့ပါတယ် ။ သူ တို့ အနိုင်ရဖို့ လုံးဝ ထိုက်တန်ပါတယ်။ ကျနော်တို့ သူတို့ရဲ့ တိုက်စစ်ဆင်မှုကို အလူးအလဲ ခံစားခဲ့ရတာပါ ။ ”
” အာဆင်နယ် က အကောင်းဆုံး အသင်းတွေထဲက တစ်သင်းပါ ၊ ဒီရာသီ အကောင်းဆုံး အသင်းလို့တောင် ပြောလို့ ရနိုင်ပါတယ် ။ ဒီလို ပွဲမျိုး ကျနော်တို့ ကြုံရလေ့ မရှိပါဘူး ၊ များသောအားဖြင့်က ကျနော်တို့ကပဲ ပွဲကို ထိန်းချုပ် ကစားထားတာပါ ။ ” လို့ ချီးကျူး ပြောကြား သွားခဲ့ပါတယ် ။
