ဂရိ နှင့် နယ်သာလန် (မြန်မာစံတော်ချိန် အင်္ဂါနံနက် ၁း၁၅ နာရီ)
နယ်သာလန်နဲ့ ဂရိတို့က အုပ်စုဒုတိယနေရာအတွက် အပြိုင်လုနေရတာပါ။ နယ်သာလန်မြေမှာ ဂရိ ဂိုးပြတ်ရှုံးခဲ့ပေမဲ့ ဒီပွဲမှာသာအနိုင်ရခဲ့ရင် လက်စားချေပြီးသားဖြစ်သလို၊ ဒုတိယနေရာအတွက်လည်း ခိုင်မာသွားမှာပါ။ ဂရိကို ကြိုက်တယ်။
ဘယ်လ်ဂျီယံ နှင့် ဆွီဒင် (မြန်မာစံတော်ချိန် အင်္ဂါနံနက် ၁း၁၅ နာရီ)
ဘယ်လ်ဂျီယံက ဒီပွဲမတိုင်ခင် သြစတြီးယားနဲ့ ကစားထားရပြီး အခု ပွဲကျပ်တစ်ပွဲကို ဆက်ကစားရမယ်။ ပွဲကျပ်ဆိုတာကလည်း ဆွီဒင်ရဲ့ ကစားသမားအင်အားနဲ့ အရှိန်အဝါကြောင့်သာဖြစ်ပြီး လက်ရှိ ဆွီဒင်ရဲ့ရလဒ်တွေက စိတ်ပျက်စရာပါ။ ပထမအကျော့တုန်းက ဘယ်လ်ဂျီယံကိုလည်း အိမ်ကွင်းမှာ ဂိုးပြတ် ရှုံးထားသေးတယ်။ ခြေစစ်ပွဲအောင်ထားပြီးဖြစ်ပေမဲ့ အိမ်ကွင်းမှာ ဘယ်လ်ဂျီယံ အားထည့်ကစားဖို့များတာကြောင့် ဒီပွဲလည်း ဆွီဒင် ရှုံးဦးမှာပဲ။
ဘော့စနီးယား နှင့် ပေါ်တူဂီ (မြန်မာစံတော်ချိန် အင်္ဂါနံနက် ၁း၁၅ နာရီ)
ပေါ်တူဂီက ဒီပွဲမတိုင်ခင် အိမ်ကွင်းမှာ ဆလိုဗက်ကီးယားကို အနိုင်ကစားပြီး ခြေစစ်ပွဲအောင်သွားပါပြီ။ ဘော့စနီးယားက မျှော်လင့်ချက်ရှိနေသေးပေမဲ့ ခြေစွမ်းပိုင်းက အားရစရာမရှိပါဘူး။ ပေါ်တူဂီပဲ ရလဒ်ကောင်းဦးမှာပဲ။
