အင်တာမီလန်တိုက်စစ်မှူးဟောင်း ဗီယာရီက လက်ရှိအင်တာမီလန်အသင်းမှာ စူပါအသင်းဖြစ်ကြောင်း ချီးကျူးပြောကြားခဲ့သည်။
အင်တာမီလန်အသင်းသည် ယခုရာသီ စီးရီးအေ ပွဲစဉ် (၃) အပြီးတွင် ရာနှုန်းပြည့်နိုင်ပွဲရရှိထားပြီး ယင်း(၃) ပွဲစလုံးတွင် Clean Sheet လည်း ရယူနိုင်ခဲ့သည်။
အင်တာမီလန်အသင်းသည် ယခုရာသီ စီးရီးအေအဖွင့်ပွဲတွင် မွန်ဇာအသင်းအားအိမ်ကွင်း၌ ၂-၀ ၊ ကာဂလီယာရီအသင်းအား အဝေးကွင်း၌ ၀-၂ ၊ ဖီအိုရင်တီးနားအသင်းအား အိမ်ကွင်း၌ ၄-၀ ဂိုးတို့ဖြင့် အနိုင်ရရှိထားပြီး ၈ ဂိုးသွင်းကာ ပေးဂိုးမရှိခဲ့ချေ။
ဗီယာရီက “မားကပ်စ်သူရမ်ကို ကျွန်တော် အရမ်းသဘောကျပါတယ်။ သူကစားတာ အရမ်းကောင်းတယ်။ အသင်းဖော်တွေနဲ့ အချိတ်အဆက်မိတယ်။ လော်တာရိုမာတီနက်ဇ်ကတော့ ရပ်တန့်လို့ မရတဲ့ ကစားသမားဖြစ်လာပါပြီ။ အခု အရန်ခုံက ကစားသမား တွေလည်း ခြေစွမ်းပြနေတယ်။ လက်ရှိ အင်တာမီလန်က အရမ်းအင်အားတောင့်ပြီး စူပါအသင်းဖြစ်ပါတယ်”ဟု ပြောကြားခဲ့သည်။
