တူရကီကလပ် ဂါလာတာစာရေးအသင်းသို့ ပြောင်းရွှေ့သွားသည့် အင်္ဂလန်ဖွား အိုင်ဗရီကို့စ်တောင်ပံကစားသမား ဇာဟာက ခရစ္စတယ်ပဲလေ့စ်အသင်းကို ထာဝရကျေးဇူးတင်နေမည်ဖြစ်ကြောင်း ပြောကြားခဲ့သည်။
“ကျွန်တော့်ကို ယနေ့ဖြစ်တည်မှုနေရာရောက်အောင် ယုံကြည်ပြီး အားပေးခဲ့ကြတဲ့ စတိဗ်ပါရစ်ရှ်၊ အသင်းဖော်အားလုံး၊ နည်းပြတွေနဲ့ ပရိသတ်တွေကို ကျေးဇူးတင်စကား ပြောကြားလိုပါတယ်။ ကျွန်တော့်နှလုံးသားထဲကနေ ထာဝရကျေးဇူးတင်နေမှာပါ”ဟု ဇာဟာက ပြောကြားခဲ့သည်။
ဂါလာတာစာရေးအသင်းသည် ဇာဟာကို သုံးနှစ်စာချုပ်ဖြင့် ခေါ်ယူခဲ့ ပြီး ဇူလိုင်လ ၂၄ ရက်က မိတ်ဆက်ပွဲပြုလုပ်ခဲ့သည်။ ဇာဟာသည် လက်မှတ်ထိုးကြေးအဖြစ် ယူရို ၂ ဒသမ ၃၃ သန်း၊ တစ်နှစ်အသားတင် ယူရို ၄ ဒသမ ၃၅ သန်းရရှိမည်ဟု
ဂါလာတာစာရေးအသင်းမှ တရားဝင်ထုတ်ပြန်ခဲ့သည်။
