နိုင်ငံတကာဘောလုံးသုတေသနအဖွဲ့အစည်းတစ်ခုဖြစ်သည့် CIES က လက်ရှိဘောလုံးလောက၏ တန်ဖိုးအကြီးဆုံးဂိုးသမားမှာ အာဆင်နယ်ဂိုးသမား ရမ်းစ်ဒေးလ်ဖြစ်ကြောင်း ဖော်ပြခဲ့သည်။
CIES က ရမ်းစ်ဒေးလ်၏ လက်ရှိဈေးကွက်တန်ဖိုးမှာ ယူရို(၇၉)သန်းရှိနေပြီး တန်ဖိုးအကြီးဆုံးဂိုးသမားအဖြစ် ရပ်တည်နေကြောင်း ဖော်ပြခဲ့ခြင်း ဖြစ်သည်။
CIES သည် ဂိုးသမားများ၏ လက်ရှိစွမ်းဆောင်ရည်အပြင် လက်ရှိကလပ်အသင်း၊ အသက်အရွယ်၊ စာချုပ်သက်တမ်း၊ အနာဂတ်အလားအလာများအပေါ် ချိန်ထိုးသုံးသပ်ကာ ယခုစာရင်းကို ပြုစုထုတ်ပြန်ခြင်းဖြစ်ကြောင်း သိရသည်။
ထို့ကြောင့် ပြီးခဲ့သည့်ရာသီက ပရီးမီးယားလိဂ်၏ ရွှေလက်အိတ်ဆုရရှိခဲ့သော မန်ယူဂိုးသမား ဒီဟေးယားမှာ တန်ဖိုးအကြီးဆုံး ဂိုးသမား(၁၀)ဦးစာရင်းတွင် ပါဝင်ခြင်းမရှိခဲ့ပေ။
