ပြင်သစ်တိုက်စစ်ကစားသမား ဂရီးဇ်မန်းသည် အက်သလက်တီကိုအသင်းတွင် ကျောနံပါတ်(၇)ကို ပြန်လည်ဝတ်ဆင်သွားမည်ဖြစ်ကြောင်း သိရသည်။
ဂရီးဇ်မန်းသည် အက်သလက်တီကိုအသင်းတွင် ပထမအကြိမ်ကစားစဉ်က ကျောနံပါတ်(၇) ဝတ်ဆင်ခဲ့သူဖြစ်ပြီး ဘာစီလိုနာမှ ပြန်လည်ရောက်ရှိလာချိန်တွင် ဂျော်အိုဖေးလစ်ကို နံပါတ်(၇) ပေးထားသောကြောင့် နံပါတ်(၈)သာ ဝတ်ဆင်ခဲ့ရသည်။
သို့သော် ယခုနွေတွင် ဂျော်အိုဖေးလစ်အနေဖြင့် အက်သလက်တီကိုအသင်းမှ အပြီးသတ် သို့မဟုတ် အငှားဖြင့် ထွက်ခွာဖွယ်ရှိနေရာ ဂရီးဇ်မန်းအနေဖြင့် နံပါတ်(၇)ကို ပြန်လည်ဝတ်ဆင်ခွင့်ရရှိခြင်းဖြစ်သည်။
ဂရီးဇ်မန်းသည် ပြီးခဲ့သည့်ရာသီက အက်သလက်တီကိုအသင်းအတွက် ပြိုင်ပွဲစုံ (၄၈) ပွဲတွင် (၁၆) ဂိုးသွင်းကာ ဂိုးဖန်တီးမှု (၁၉) ကြိမ် ပြုလုပ်ခဲ့သည်။
