ဘာစီလိုနာအသင်း၏နည်းပြ ဇာဗီက လစ်လပ်နေသည့် အသင်းခေါင်းဆောင်ရာထူးကို ကစားသမားများ၏ ဆန္ဒမဲဖြင့် ရွေးချယ်သွားမည်ဟု ပြောကြားခဲ့သည်။
ဘာစီလိုနာအသင်းသည် အသင်းခေါင်းဆောင် ဘူးစကွက်စ် လမ်းခွဲသွားသည့်အတွက် အသင်းခေါင်းဆောင်သစ် ပြန်လည် ရွေးချယ်ရမည်ဖြစ်သည်။
“ဆန္ဒမဲစနစ်နဲ့ ရွေးချယ်သွားမှာပါ။ ဒီမိုကရေစီနည်းလမ်းတကျဖြစ်ရပါမယ်။ ကျွန်တော်တို့ ခေါင်းဆောင်ကောင်းနှစ်ယောက် (ဘူးစကွက်စ်နှင့် အယ်လ်ဘာကို ဆိုလို) ဆုံးရှုံးခဲ့ရပေမဲ့ ဦးဆောင်နိုင်စွမ်းရှိတဲ့သူတွေ အသင်းမှာ ရှိနေပါတယ်”ဟု ဇာဗီက ပြောကြားခဲ့သည်။
ဘူးစကွက်စ်နှင့် ယော်ဒီအယ်လ်ဘာတို့ ရှိစဉ်က ဘာစီလိုနာအသင်း၏ တတိယအသင်းခေါင်းဆောင်အဖြစ် ဆောင်ရွက်ခဲ့သည့် နောက်ခံလူ ဆာဂျီရောဘတ်တိုအနေဖြင့် အသင်းခေါင်းဆောင် ဖြစ်လာဖွယ်ရှိသည်ဟုလည်း ထင်ကြေးပေးခံနေရသည်။
