ချဲလ်ဆီး အသင်း ဟာ လေဗာကူဆင် အသင်း ရဲ့ ဂျာမန် လက်ရွေးစင် ကြယ်ပွင့် ကွင်းလယ် တိုက်စစ် ကစားသမား ကိုင်ဟာဗက်ဇ် ကို လာမယ့် ရက်ပိုင်း အတွင်း မှာ တရားဝင် ခေါ်ယူနိုင်တော့မှာ ဖြစ်ပါတယ် ။ ဟာဗက်ဇ် ဟာ ကနဦး ကတည်းက ချဲလ်ဆီး အသင်း သို့ ပြောင်းရွှေ့လာဖို့ သဘောတူညီမှု ရထားသူ ဖြစ်ပါတယ် ။
လေဗာကူဆင် အသင်းဖက်ကသာ နေ့ရွှေ့ညရွှေ့ နဲ့ အပြောင်းအရွှေ့ ကိစ္စ ကို အချိန်ဆွဲနေတဲ့ အတွက် ဟာဗက်ဇ် ကို ချဲလ်ဆီး တို့ တရားဝင် ခေါ်ယူနိုင်မယ့် အရေးဟာ တလခန့် ကြာမြင့်လာခဲ့တာ ဖြစ်ပါတယ် ။
ဂျာမန် အခြေစိုက် နာမည်ကြီး သတင်း ဌာန Sport Bild ရဲ့ ယနေ့ မနက် ဖော်ပြချက် တခု အရ ဟာဗက်ဇ် ဟာ ပြီးခဲ့တဲ့ တနင်္ဂနွေနေ့က လန်ဒန် ရှိ ကော့ဟမ်း လေ့ကျင့်ရေး စင်တာ မှာ ချဲလ်ဆီး အသင်း နဲ့ ဆေးစစ်မှု အောင်မြင်ခဲ့ပြီး ဖြစ်တယ် လို့ သိရပါတယ် ။
ဆေးစစ်မှု အောင်မြင်ခဲ့ပြီး ဖြစ်တာကြောင့် ချဲလ်ဆီး အသင်း ဟာ ဟာဗက်ဇ် ရဲ့ အပြောင်းအရွှေ့ official ကြေညာဖို့ကို အခုကတည်းက ပြင်ဆင်နေတယ် လို့ Sky Italia သတင်းထောက် ဖာဘရီဇီယို ရိုမာနို ရဲ့ အဆို အရ သိရပါတယ် ။
ချဲလ်ဆီး အသင်း ဟာ အသက် ၂၁ နှစ် အရွယ် ဟာဗက်ဇ် အတွက် ကနဦး ပြောင်းရွှေ့ကြေး ပေါင် ၇၂ သန်း ပေးချေမှာ ဖြစ်ကာ ၊ နောက်ထပ် ဟာဗက်ဇ် ရဲ့ စွမ်းဆောင်ရည် နဲ့ အသင်း အောင်မြင်မှု အပေါ် မူတည်ပြီး အပို ဆုကြေး နောက်ထပ် ပေါင်သန်း ၂၀ အထိ ပေးချေသွားဖို့ ရှိနေပါတယ် ။
ဟာဗက်ဇ် ဟာ အခုအချိန် မှာတော့ ဂျာမနီ လက်ရွေးစင် အသင်း နဲ့ ဥရောပ နေရှင်လိဂ် အုပ်စု အဆင့် ပွဲစဉ် တွေကို ဆင်နွှဲဖို့ ရောက်ရှိနေကာ ၊ ပြီးခဲ့တဲ့ ရက်ပိုင်း က စတင်ခဲ့တဲ့ လေဗာကူဆင် အသင်း ရဲ့ ရာသီကြို ပြင်ဆင်မှု မှာ ပါဝင်ခဲ့ခြင်း မရှိခဲ့ဘူး လို့ လေဗာကူဆင် နည်းပြ ပီတာဘော့ဇ် က အတိအလင်း ထုတ်ဖော် ရှင်းလင်းခဲ့ပါတယ် ။
ဒါ့အပြင် လေဗာကူဆင် အသင်း ဟာ ဟာဗက်ဇ် ကြောင့် ရလာတဲ့ ပြောင်းရွှေ့ကြေး ကိုပင် စတင် အသက်သွင်းနေပြီး ၊ ပြီးခဲ့တဲ့ ရာသီ က လစ်ပ်ဇစ် အသင်း သို့ အငှား လာရောက် ကစားခဲ့တဲ့ ရိုးမား အသင်း ရဲ့ ချက်လက်ရွေးစင် တိုက်စစ်မှူး ပတ်ထရစ်ရှစ်ခ် ကို ပေါင် ၂၄ သန်း နဲ့ ခေါ်ယူနိုင်ခဲ့ပါတယ် ။
ဒီတော့ ဟာဗက်ဇ် ရဲ့ ချဲလ်ဆီး အသင်း ဂျာစီ ဝတ်ဆင်ခွင့် ရမယ့် နေ့ရက်တွေလည်း မဝေးတော့ဘူး လို့ ဆိုရမှာပါ ။ လောလောဆယ် မှာတော့ ဟာဗက်ဇ် ဟာ ဂျာမနီ လက်ရွေးစင် အသင်း မှာ ချဲလ်ဆီး အသင်းဖော်သစ် ၂ဦး ဖြစ်တဲ့ တိုက်စစ်မှူး တီမို ဗာနာ နဲ့ ခံစစ်မှူး အန်တိုနီယို ရူဒီဂါ နဲ့ ကောင်းကောင်း မိတ်ဖွဲ့ထားမှာ ဖြစ်သလို ၊ ၎င်းတို့ ၂ဦး ဆီကနေလည်း ချဲလ်ဆီး အသင်း အကြောင်း မေးမြန်းမှာ သေချာနေပါတယ် ။
ဒီနေရာ မှာ ရူဒီဂါ ဟာ ပထမ တကြိမ် တီမို ဗာနာ ကို ခေါ်ယူခဲ့တုန်းက တဖက်တလမ်း က ကူညီခဲ့ဖူးသလို ၊ အခု တခါ ဟာဗက်ဇ် ကို ခေါ်ယူရမှာလည်း ကြားဝင် အေးဂျင့် အနေနဲ့ ဆောင်ရွက်ပေးခဲ့တယ် လို့ ပြောလို့ရပါတယ် ။
မနေ့က ပြုလုပ်ခဲ့တဲ့ ဥရောပ နေရှင်လိဂ် အုပ်စု အဖွင့်ပွဲ ပွဲကြို သတင်းစာ ရှင်းလင်းပွဲ မှာ ရူဒီဂါ က ” ကျွန်တော် ဟာ တီမို ရဲ့ အပြောင်းအရွှေ့ ဖြစ်မြောက်ရေးမှာ တဖက်တလမ်း က ကူညီပေးခဲ့ဖူးပါတယ် ။ အခု တခေါက် ကိုင် ရဲ့ ချဲလ်ဆီး သို့ ပြောင်းရွှေ့နိုင်ရေး အတွက် ကျွန်တော့ ရဲ့ အထောက်အပံ့ တွေ အလုပ်ဖြစ်ဖို့ မျှော်လင့်ပါတယ် ။ ” လို့ ဆိုခဲ့ပါတယ် ။
ဘယ်လိုပဲ ဖြစ်ဖြစ် ၊ လာမယ့် ဘောလုံး ရာသီ ချဲလ်ဆီး အသင်း ရဲ့ တိုက်စစ် က တမူထူးခြား ဆန်းသစ် လာဖို့ ရှိနေပြီး ၊ ပူလီဆစ် – ဗာနာ – ဇီယက်ချ် တွဲလုံး အပြင် ဟာဗက်ဇ် ရဲ့ အနောက်ကနေ ပံ့ပိုးပေးမှု တွေကိုလည် ချဲလ်ဆီး ပရိသတ် တွေ ရင်ခုန်စွာနဲ့ မျှော်လင့် စောင့်စားရတော့မှာ ဖြစ်ပါတယ် ။
