မန်စီးတီးက အင်တာမီလန်ကို ၁-၀ ဖြင့်အနိုင်ရရှိပြီး ချန်ပီယံလိဂ်ဖလားကို အရယူလိုက်နိုင်သည့် ပွဲအပြီးတွင် အသင်း၏ ကစားသမား ဂျွန်စတုံးသည် မာရာဒိုနာကဲ့သို့ကစားသွားကြောင်း မန်စီးတီး အသင်းသာ အာကန်ဂျီက ထုတ်ဖော်ပြောဆိုလိုက်သည်။ အင်တာကို အနိုင်ရရှိသည့်ပွဲတွင် စတုံးသည် မန်စီးတီး၏ သော့ချက်ကစားသမားတစ်ဦးအနေဖြင့် ကစားသွားသည်။
စတုံးသည် ခံစစ်ကစားသမားနေရာမှနေ၍ ကွင်းလယ်ခံစစ်နေရာသို့ ပြောင်းကစားနိုင်ရန် ဂွာဒီယိုလာက အကောင်းဆုံးကူညီပေးခဲ့သလို စတုံးသည် မန်စီးတီးအသင်း၏ ကွင်းလယ်နှင့် ခံစစ်ချိတ်ဆက်ရန် အသင်း၏ တိုက်စစ်ကို ကူညီပေးရန်ကိုပါ အကောင်းဆုံးကစားပေးနိုင်ခဲ့သည်။
စတုံးသည် အသင်း၏ ကစားကွက်ဖန်တီးနိုင်မှု နှင့် တိုက်စစ်ဆင်မှုများတွင် ယခင်ကထက်အများကြီးပို၍ ပါဝင်လာကြောင်း အာကန်ဂျီက ချီးမွမ်းပြောဆိုလိုက်သည်။ “သူ့ရဲ့ ဘောလုံးလိမ်ခေါက်ပုံတွေက မာရာဒိုနာနဲ့တောင်တူနေတယ်။ သူက ဘောလုံးကိုယူတယ် သုံးယောက်လောက်ကို လိမ်ခေါက်ကျော်ဖြတ်ပြီး အသင်းဖော်တစ်ဦးစီကို ဘောလုံးပေးလိုက်နိုင်တာတွေကို မြင်လာရတယ်။ စတုံးက အသင်းအတွက် အခွင့်အရေးတွေ အများကြီးဖန်တီးပေးပြီး မယုံနိုင်လောက်အောင် ကောင်းတဲ့ ကစားသမားတစ်ဦးဖြစ်လာတယ်”ဟု အာကန်ဂျီက ဆက်လက်ပြောဆိုလိုက်သည်။
