အာလင် ဟာလန်း ကတော့ သူ့ရဲ့ မန်စီးတီး ကစားသမား ဘဝ ပထမဦးဆုံးရာသီကို ချန်ပီယံ ဆုဖလား ၃ လုံး ၊ တစ်ဦးချင်း အောင်မြင်မှု ဆုတံဆိပ်များစွာ ၊ စံချိန်သစ် တင်နိုင်ခဲ့မှုတွေ နဲ့ အတူ ကြီးကျယ် ခမ်းနားစွာ စတင် နိုင်ခဲ့ပြီ ဖြစ်ပါတယ် ။ နော်ဝေး လက်ရွေးစင် ဟာလန်း ဟာ ဒီရာသီမှာ မန်စီးတီး အတွက် ၅၃ ပွဲ ကစားရာမှာ ၅၂ ဂိုး အထိ သွင်းယူ နိုင်ခဲ့တာပါ ။
ဟာလန်း ဟာ ဒီရာသီ ပြည်တွင်းလိဂ် ပြိုင်ပွဲတွေမှာ ပရီးမီးယားလိဂ် နှင့် အက်ဖ်အေ ချန်ပီယံဆု အပြင် ရွှေဖိနပ်ဆု ၊ ၁ နှစ်တာ အကောင်းဆုံး ကစားသမားဆု ၊ ၁ နှစ်တာ အကောင်းဆုံး လူငယ် ကစားသမားဆု ၊ အားကစား ကလောင်ရှင်တွေ ပေးတဲ့ ၁ နှစ်တာ အကောင်းဆုံး ကစားသမားဆုတွေကိုပါ ရရှိ ခဲ့တာပါ ။ ဒါ့အပြင် ဟာလန်းဟာ ဥရောပပြိုင်ပွဲမှာလည်း ချန်ပီယံဆု အပြင် ရွှေဖိနပ်ဆုကိုပါ ရယူ နိုင်ခဲ့ပါတယ် ။
ဒီလို အောင်မြင်မှု များစွာ ရယူ နိုင်ခဲ့တဲ့ ဟာလန်း ဟာ စာချုပ်ပါ အချက်အလက်တွေအရ အပိုဆုကြေးငွေ ပေါင် ၅ သန်း ကျော် ရဖို့ ရှိနေပါတယ် ။ ဟာလန်း ဟာ ပရီးမီးယားလိဂ် ချန်ပီယံဆု ကို ရရှိအောင် စွမ်းဆောင် ပေးနိုင်ခဲ့တဲ့အတွက် အပိုဆုကြေး ပေါင် ၁ သန်း ရမှာ ဖြစ်ပီး ချန်ပီယံလိဂ် ဖလားပါ ရအောင် စွမ်းဆောင် ပေးနိုင်ခဲ့တာကြောင့် နောက်ထပ် ပေါင် ၁ သန်း ထပ်ရမှာ ဖြစ်ပါတယ် ။
ဒါ့အပြင် ဟာလန်း ဟာ အက်ဖ်အေ ဖလား မှာ ချန်ပီယံ ဖြစ်ခဲ့တဲ့ အတွက် ပေါင် ၃ သိန်းခွဲ ၊ ပရီးမီးယားလိဂ် ရွှေဖိနပ်ဆုရခဲ့တဲ့အတွက် ပေါင် ၃ သိန်း ခွဲ ရဦးမှာပါ ၊ ဒါတင်မကသေးပါဘူး ဟာလန်း ဟာ တခြား individual ဆုတံဆိပ်တွေ အတွက်လည်း ဆုကြေးငွေ အမြောက်အများ ထပ်ရပါဦးမယ် ။
နောက်ထပ် ရဖို့ ရှိသေးတဲ့ မက်လောက်စရာ ဆုကြေးငွေကတော့ ဘာလွန်းဒေါ ဆုသာ ရခဲ့ရင် ဖြစ်ပါတယ် ၊ ဟာလန်း အနေနဲ့ ဘာလွန်းဒေါ ဆုရခဲ့ပါက အပိုဆုကြေး ပေါင် ၁ သန်း ရမှာ ဖြစ်ပါတယ် ၊ လက်ရှိ အချိန်မှာတော့ ဟာလန်း ဟာ မက်ဆီ ရဲ့နောက် ဘာလွန်းဒေါဆုရဖို့ ဒုတိယမြောက်
နောက်ဆုံး အနေနဲ့ ဟာလန်း ဟာ ဒီရာသီ မန်စီးတီး ရဲ့ ပွဲ ၆၀% ကျော်ကို ကစားခဲ့တာကြောင့် တစ်ပတ် လုပ်ခ ပေါင် ၃၇၅၀၀၀ နှုန်းနဲ့ ရရှိမှာ ဖြစ်ပါတယ် ။ ဒါကြောင့် ဟာလန်း ဒီနှစ် ရမယ့် အပိုဆုကြေးငွေ စုစုပေါင်း ပမာဏ ဟာ ပေါင် ၅ သန်း ကျော်အထိ ရှိလို့ နေပါတယ် ။
