နွေရာသီ အပြောင်းအရွှေ့ရောက်ဖို့ သိပ်မလိုတော့တဲ့ အချိန်မှာ ဂန်းနား ဂန္တဝင် ကစားသမားကြီး ရေးပါလာဟာ ပြီးဆုံးသွားခဲ့တဲ့ ဘောလုံး ရာသီ အတွက် အာဆင်နယ် အသင်းရဲ့ အကောင်းဆုံး ခေါ်ယူမှု ကို ရွေးချယ် ပေးသွားခဲ့ပါတယ် ။ ရေးပါလာ ရွေးချယ် ပေးလိုက်တဲ့ အာဆင်နယ် အသင်းရဲ့ ၂၀၂၂-၂၃ ခုနှစ်ရဲ့ အကောင်းဆုံး ခေါ်ယူမှု ဟာ ဂျေးဇု နှင့် ဇင်ချန်ကို တော့ ဟုတ်မနေ ခဲ့ပါဘူး ။
ဂျေးဇု ၊ ဇင်ချန်ကို တို့ ရောက်လာမှု နဲ့ အတူ အာဆင်နယ် အသင်းဟာ မန်စီးတီး အသင်း ရဲ့ ချန်ပီယံ ပြိုင်ဘက် အဖြစ် တစ်ရာသီလုံး ယှဉ်ပြိုင် နိုင်ခဲ့ပြီး ဝေးကွာနေတဲ့ ချန်ပီယံလိဂ် ဝင်ခွင့် ကိုလည်း ပြန်လည် ရယူ နိုင်ခဲ့ပါတယ် ။ ဒါပေမယ့်လည်း ရေးပါလာ ကတော့ ဂျော်ဂျင်ညိုကိုပဲ အာဆင်နယ် အသင်း ရဲ့ ဒီရာသီ အကောင်းဆုံး ခေါ်ယူမှု အဖြစ် ရွေးချယ် သွားခဲ့ပါတယ် ။
ရေးပါလာ က Metro မှာ ” ဂျော်ဂျင်ညို က ကွင်းလယ်မှာ အလုပ် ကောင်းကောင်း လုပ် နိုင်ခဲ့ပါတယ် ၊ သူ့အတွက် ပေးရတဲ့ ပြောင်းရွှေ့ကြေး နဲ့ သူ့ဆီက ပြန်ရတဲ့ အတွေ့အကြုံ က တကယ့်ကို တန်လွန်းပါတယ် ၊ ထရောဆက်ဒ် ကလည်း သိပ်ကောင်းတဲ့ စာချုပ်ချုပ် ခေါ်ယူမှု ပါ ၊ ဂျေးဇု ကလည်း တိုက်စစ် ကို ကောင်းကောင်း ဦးဆောင် နိုင်ခဲ့ပါတယ် ။ ”
” ဒါပေမယ့် သူတို့ အတွက် သုံးစွဲ ခဲ့ရတဲ့ ငွေကြေး ပမာဏ၊ အသင်းမှာ လိုအပ်နေတဲ့ အတွေ့အကြုံ မျှဝေ ပေးနိုင်မှု ၊ ကွင်းလယ်မှာ back-up လုပ်ပေးနိုင်မှု တွေနဲ့ ယှဉ်ကြည့်လိုက်ရင် ကျနော်ကတော့ ဂျော်ဂျင်ညို ကိုပဲ ရွေးချင်ပါတယ် ၊ နောက်ဆုံး ၂ ပွဲ ၃ ပွဲမှာ သူ ကစားတာ အတော်ကောင်းပါတယ် ၊ အတွေ့အကြုံကို ငွေ နဲ့ ဝယ်လို့ မရပါဘူး ၊ သူက ဆုဖလား အောင်မြင်မှုတွေ ရဖို့ ဘာလုပ်ရမလဲ ဆိုတာ ကောင်းကောင်းသိသူပါ ၊ ဇင်ချန်ကို လည်း သိပ်ကောင်း ခဲ့ပါတယ် ။ ” လို့ ပြောကြား သွားခဲ့ပါတယ် ။
