ချဲလ်ဆီးအသင်းမန်နေဂျာတာာဝန်ကို ရယူရန်အတွက် ပိုချက်တီနိုသည် တရားဝင်လက်မှတ်ရေး ထိုးလိုက်ပြီဖြစ်သည်။ စပါးအသင်းမန်နေဂျာဟောင်းပိုချက်တီနိုသည် ယခင်က အသင်းကို တာဝန်ယူရန် နှုတ်အားဖြင့်သဘောတူထားသော်လည်း ယခုအခါ တရားဝင်စာချုပ် ချုပ်ဆိုလိုက်ပြီဖြစ်သည်။
ပိုချက်တီနိုသည် ပရီးမီးယားလိဂ် ရာသီနောက်ဆုံးပွဲစဉ်များကစားအပြီးတွင် စပိန်မှ အင်္ဂလန်သို့ ရောက်ရှိလာခဲ့ပြီး အသင်းကို တာဝန်ယူရန် တရားဝင်စာချုပ်ချုပ်ဆိုခဲ့သည်။ စာချုပ်သက်တမ်းမှာ သုံးနှစ်ဖြစ်သည်။
ပြီးခဲ့သည့်ဘောလုံးရာသိတွင် ပီအက်စ်ဂျီမှ အလုပ်ထုတ်ခံထားရသော ပိုချက်တီနိုသည် အခြားမည်သည့်အသင်းကိုမျှ တာဝန်မယူဘဲ ယခုကဲ့သို့ ပရီးမီးယားလိဂ်ကလပ် ချဲလ်ဆီးကို တာဝန်ယူလိုက်ခြင်းဖြစ်သည်။
ပိုချက်တီနိုသည် ချဲလ်ဆီးအသင်းကို ယာယီကိုင်တွယ်နေသော မန်နေဂျာလမ်းပတ်နှင့် ဆွေးနွေးစရာများလည်း ရှိနေကြောင်း သတင်းများက ဆက်လက်ဖော်ပြသည်။
