လီဗာပူးလ်အသင်းသည် ချယ်လ်ဆီးအသင်းမှ အင်္ဂလန်ကွင်းလယ်ကစားသမား မေဆန်မောင့်ကို ခေါ်ယူရန် ကြိုးပမ်းနေရာ လစာနှုန်းထားအတွက် ၎င်း၏အေးဂျင့်ဖြစ်သူနှင့် ဆွေးနွေးရန် စီစဉ်နေပြီဖြစ်ကြောင်း သိရသည်။
မေဆန်မောင့်သည် ချယ်လ်ဆီးအသင်းနှင့် ၂၀၂၄ ခုနှစ်တွင် စာချုပ်သက်တမ်းကုန်ဆုံးမည်ဖြစ်ပြီး တစ်ပတ်ပေါင်(၂၀၀၀၀၀)ဖြင့် သက်တမ်းတိုးရန် ကမ်းလှမ်းမှုကို ငြင်းဆန်ထားသည်။
ထို့ကြောင့် လီဗာပူးလ်အသင်းအနေဖြင့် အဆိုပါပမာဏထက် ပိုမိုမြင့်မားသည့်နှုန်းထားဖြင့် ကမ်းလှမ်းရဖွယ်ရှိကြောင်း သိရသည်။
ထို့ပြင် မေဆန်မောင့်သည် အသင်းသစ်သို့ ပြောင်းရွှေ့ခဲ့ပါက သက်တမ်းရှည်စာချုပ်ချုပ်ဆိုရန် လိုလားနေကြောင်းလည်း သိရသည်။
အသက် (၂၄) နှစ်အရွယ်ရှိ မေဆန်မောင့်သည် ယခုရာသီတွင် ရုန်းကန်နေရပြီး ချယ်လ်ဆီးအသင်းအတွက် ပြိုင်ပွဲစုံ (၃၂) ပွဲတွင် (၃) ဂိုးသာ သွင်းယူထားနိုင်သည်။
