လက်ရှိ ဝေးလ် လက်ရွေးစင် အသင်း ရဲ့ နည်းပြ ဖြစ်သူ ရိုင်ယန်ဂစ် က အကယ်လို့ ဂါရတ် ဘေးလ်သာ အခုလို ပွဲ ကစားချိန် မိနစ် တွေကို ဆုံးရှုံး နေမယ် ဆိုရင်တော့ အနာဂတ်မှာ ဘယ်လို စပါယ်ရှယ် အခွင့်အရေး ကိုမှ ရရှိ သွားမှာ မဟုတ်ကြောင်း သွယ်ဝိုက် သတိပေး စကား ပြောကြား သွားခဲ့လိုက် ပါတယ် ။
ဝေးလ် လက်ရွေးစင် တောင်ပံ တိုက်စစ် ကစားသမား ဖြစ်တဲ့ ဂါးရတ် ဘေးလ်ဟာ ရီးယဲ မက်ဒရစ် အသင်းမှာ ပွဲထွက် ကစားခွင့် တွေကို ပိုင်ဆိုင် နိုင်ဖို့ ရုန်းကန် နေခဲ့ရ ပေမယ့် လက်ရွေးစင် အသင်း အတွက်တော့ သူရဲကောင်း ဖြစ်ခဲ့ဖူး သလို နိုင်ပွဲ တွေကိုလည်း ယူဆောင် ပေးနိုင်သူ ဖြစ်ခဲ့ဖူး ပါတယ် ။
![](https://sportsmyan.com/wp-content/uploads/2020/08/gareth-bale-2-1024x536.jpg)
ဒါပေမယ့် ရီးယဲ မက်ဒရစ် အသင်း မှာတော့ သူဟာ အပယ်ခံ ကစားသမား တစ်ဦးလို ဖြစ်နေခဲ့ ရပြီး နည်းပြ ဇီဒန်း ရဲ့ အနာဂတ် စီမံကိန်း မှာ ပါဝင် နိုင်ခွင့် နည်းပါးလွန်း နေခဲ့ ပါတယ် ။ သူဟာ အမှတ်ပေး ဖယားကို ဆွတ်ခူးနိုင် ခဲ့တဲ့ ရီးယဲ မက်ဒရစ် အသင်းရဲ့ နောက်ဆုံး ပွဲစဉ် 12 ပွဲမှာ မိနစ် 100 သာ ပါဝင် ကစားခွင့် ပိုင်ဆိုင် နိုင်ခဲ့ ပါတယ် ။
ဒါ့ကြောင့် ရိုင်ယန်ဂစ် က ကလပ် အသင်းမှာ အဆင် မပြေမှု တွေကို များစွာ ကြုံတွေ့ နေခဲ့ရတဲ့ ဘေးလ်ကို သွယ်ဝိုက်ပြီး သတိပေး စကား ပြောကြား သွားခဲ့တာ ဖြစ်ပါတယ် ။ ဒါပေမယ့် သူဟာ ကစားသမား ဖြစ်သူရဲ့ ပရော်ဖက်ရှင်နယ် ဆန်မှု ကိုတော့ အသိအမှတ်ပြု ချီးကျူး သွားခဲ့လိုက် ပါတယ် ။
![](https://sportsmyan.com/wp-content/uploads/2020/08/gareth-bale-1024x536.jpg)
” အသင်းမှာ ဘယ်သူ့ အတွက်မှ စပါယ်ရှယ် ဆက်ဆံမှု ( အခွင့်အရေး ) ရှိနေမှာ မဟုတ် ပါဘူး ။ ကျွန်တော်ဟာ တစ်ဦးတစ်ယောက်ချင်း စီကို သီးခြား စောင့်ကြည့် လေ့လာ သွားမှာပါ ။ ပုံမှန်အားဖြင့်တော့ ကစားသမား တစ်ဦးဟာ ကစားခွင့် မရတာ ၊ ဒဏ်ရာ ပြသနာ တွေကို ကြုံတွေ့ ရတာမျိုး ရှိတတ် ပါတယ် ”
” အဲ့တာ တွေကို ကျွန်တော် အံဝင် နိုင်အောင် လုပ်ဆောင်ဖို့ လိုအပ် ပါတယ် ။ အကယ်လို့ 6 လ အတွင်း ပြသနာ တစ်စုံတရာ ဖြစ်ပွား ထားတယ် ဆိုရင် ဘာလဲ ဆိုတာ ကျွန်တော် တို့ စောင့်ကြည့် လေ့လာ ကြရ ပါ့မယ် ။ ဒီကိစ္စ မှာတော့ ပြသနာ တစ်စုံတရာ ရှိနေတယ်လို့ ကျွန်တော် မတွေ့မြင် ပါဘူး ”
” ဘေးလ် က ပရော်ဖက်ရှင်နယ် ဆန်တဲ့ ကစားသမား ဖြစ်ပြီး အမြဲတမ်း ကြံ့ခိုင်မှု ပြည့်ဝအောင် ဆင်ခြင် နေထိုင်လေ့ ရှိတတ် ပါတယ် ။ သူ လေ့ကျင့်ရေး ကွင်းမှာ ရှိနေခဲ့တဲ့ အချိန်တွေမှာ ကျွန်တော် သူနဲ့ စကားတွေ ပြောဆို ခဲ့ဖူး ပါတယ် ။ သူဟာ ကျွန်တော်တို့ အသင်းအတွက် အရေးပါတဲ့ ရှုံးထွက် ပွဲစဉ် တိုင်းမှာ ကစားပေးဖို့ အမြဲတမ်း အသင့်ရှိ နေခဲ့သူ ပါပဲ ”
![](https://sportsmyan.com/wp-content/uploads/2020/08/gareth-bale-and-gigs-2-1024x536.jpg)
” ဒါ့ကြောင့် သူနဲ့ ပတ်သက်လို့ ကျွန်တော်တို့ တွေဟာ ဘယ်လို ပြသနာ မျိုးမှ မကြုံတွေ့ခဲ့ဖူးကြ ပါဘူး ။ ဒါဟာ ကျွန်တော့် အတွက် စိုးရိမ် စရာ တစ်ခုလား ? နိုးပါ ။ ဒါဟာ ပြောင်းလဲ သွားနိုင် ပါလိမ့်မယ် ။ ကျွန်တော်တို့ အနာဂတ်မှာ ဒါတွေိကို ဆက်လက် စောင့်ကြည့် သွားကြမှာပါ ။ ဘေးလ်ဟာ အံ့ဖွယ် ကစားသမားကောင်း တစ်ဦး ဖြစ်တယ် ဆိုတာကို မှတ်မိ နေလိမ့်ဦးမယ် လို့ ကျွန်တော် မျှော်လင့် ပါတယ် ” လို့ ဂစ်က ပြောကြား သွားခဲ့လိုက် ပါတယ် ။
ဝေးလ် လက်ရွေးစင် အသင်းဟာ စက်တင်ဘာ 3 ရက် နေ့မှာ ဖင်လန် အသင်း နဲ့ ရင်ဆိုင် ကစားသွား ရဖို့ ရှိနေပြီး နောက်ထပ် 3 ရက် အကြာ မှာတော့ ဘူလ်ဂေးရီးယား အသင်း နဲ့ ရင်ဆိုင် ကစားသွား ရဖို့ ရှိနေ ပါတယ် ။ အဲ့တာ ပြီးရင်တော့ အောက်တိုဘာ လမှာ သူတို့ တွေဟာ အင်္ဂလန် ၊ အိုင်ယာလန် အသင်း တို့နဲ့ ရင်ဆိုင် ကစား ရမှာပဲ ဖြစ်ပါတယ် ။