အသင်းမှထွက်ခွာဖွယ်ရှိနေသော မေဆင်မော့င်နေရာတွင် အစားထိုးရန်အတွက် ဖူလ်ဟမ်အသင်း ကွင်းလယ်ကစားသမား ပါရဲရားကို ချဲလ်ဆီးအသင်းကပစ်မှတ်ထားနေသည်။ မောင့်သည် ၂၀၂၄ တွင် ချဲလ်ဆီးအသင်းနှင့်စာချုပ်သက်တမ်း ကုန်ဆုံးရန် ရှိနေပြီး စာချုပ်သက်တမ်းတိုးရေး ဆွေးနွေးမှုလည်း မအောင်မြင်ဖြစ်နေခြင်းကြောင့် အသင်းမှ ထွက်ခွာမည်ဟု သတင်းထွက်လာခြင်းဖြစ်သည်။
မောင့်အနေဖြင့် ချဲလ်ဆီးမှ ထွက်ခွာမည်ဟုဆုံးဖြစ်ဖြစ်ပါက မန်ယူ မန်စီးတီးနှင့် လီဗာပူးအသင်းတို့က ၎င်းကိုခေါ်ယူလိုနေသည်။ ချဲလ်ဆီးကလည်း မောင့်နေရာတွင် အစားထိုးရန်အတွက် ဘရာဇီးကစားသမား ပါရဲရားကို ပစ်မှတ်ထားနေပြီး ခရေဗင်ကော့တေ့ချ်မှ ၎င်း၏ အခြေအနေကို စောင့်ကြည့်နေသည်။
ပါရဲရားသည် ပြီးခဲ့သည့်နွေရာသီတွင် ပထမဦးစားပေးကစားသမားအဖြစ် ကစားလိုခြင်းကြောင့် မန်ယူမှ ဖူလ်ဟမ်သို့ ပြောင်းရွှေ့ခဲ့ခြင်းဖြစ်ပြီး လန်ဒန်အနောက်ပိုင်းအခြေစိုက်အသင်းတွင် ခြေစွမ်းပြခဲ့သည်။ ပါရဲရားသည် ဖူလ်ဟမ်အတွက်ပထမဆုံးကစားသော ဘောလုံးရာသီတွင် စုစုပေါင်း ၃၂ ပွဲပါဝင်ကစားပြီး ၃ ဂိုးသွင်းကာ ၆ ဂိုးဖန်တီးပေးနိုင်ခဲ့သည်။
အသက် ၂၇ နှစ်အရွယ်ရှိ ပါရဲရားကို ဖူလမ်ဟမ်အသင်းက တန်ကြေးပေါင် ၂၅ သန်းမှ ၃၅ သန်းကြားရှိမည်ဟု သတ်မှတ်ထားသည်။ ပါရဲရားသည် ဖူလ်ဟမ်နှင့် ၂၀၂၆ ထိစာချုပ်သက်တမ်းရှိသည်။
