ကာတာမှ ကမ်းလှမ်းမှုသည် မန်ယူအသင်းနှင့်သင့်လျော်ကြောင်း ရှိတ်ဂျာဆင်ဘင်ဟာမက်ဘင်အယ်လ်သာနီသည် မန်ယူအသင်း၏ ပိုင်ရှင်အသစ်ဖြစ်သင့်ကြောင့် ဇာဗီးက ထုတ်ဖော်ပြောဆိုလိုက်သည်။
ကာတာမှ ဘဏ်လုပ်ငန်းရှင်တစ်ဦးဖြစ်သော ရှိတ်ဂျာဆင်ဘင်ဟာမက်ဘင်အယ်သာနီသည် ဘောလုံးလောကတွင် နာမည်ကြီးတစ်ဦးမဟုတ်သော်လည်း မန်ယူအသင်းပရိသတ်တစ်ဦးဖြစ်ပြီး မန်ယူကို ဝယ်ယူရန် ပြီးခဲ့သည့်တစ်ပတ်က ကမ်းလှမ်းလိုက်ခြင်းဖြစ်သည်။
ဇာဗီးသည် ကာတာတွင် အယ်ဆတ်အသင်းကို နည်းပြချုပ်အဖြစ် နှစ်နှစ်ခွဲကြာတာဝန်ယူခဲ့သည်။ အသက် ၄၃ နှစ်အရွယ်ရှိ ဇာဗီးသည် နည်းပြချုပ်အဖြစ်တာဝန်မယူမီကလည်း အယ်လ်ဆတ်အသင်းတွင် ကစားသမားအဖြစ်ကစားဖူးပြီး အယ်လ်သာနီအကြောင်းကို သိသူဖြစ်သည်။
“သူက လေးလေးနက်နက်သဘောထားရှိပြီး တာဝန်ယူတတ်သူတစ်ဦးလည်းဖြစ်ပါတယ်။ မန်ယူနဲ့သင့်လျော်ပါတယ်။ ကျွန်တော်ကာတာမှာ ၆ နှစ်လောက်နေခဲ့ပြီး သူ့ကိုသိပါတယ်”ဟုဇာဗီးက ထုတ်ဖော်ပြောဆိုလိုက်ခြင်းဖြစ်သည်။ အယ်လ်သာနီနှင့်အပြိုင်ဗြိတိန်သူဌေးကြီး ဂျမ်ရက်ကလစ်ဖ်ကလည်း မန်ယူကို ဝယ်ယူရန်ကမ်းလှမ်းထားသည်။
