မန်စီးတီးအသင်းမန်နေဂျာဂွာဒီယိုလာသည် ဟာလန်း၏ ဒဏ်ရာနှင့်ပတ်သက်၍ အတိအကျမပြောနိုင်သည့် အနေအထားတွင် ရှိနေပြီး ဟာလန်းသည် လာမည့်ဗုဒ္ဓဟူးနေ့တွင် အာဆင်နယ်နှင့် ကစားမည့်ပွဲတွင် ပါဝင်ကစားနိုင်ရန် မသေချာဖြစ်နေသည်။ မန်စီးတီးသည် မနေ့ညက ဗီလာနှင့် ကစားသည့်ပွဲတွင် ၃-၁ ဖြင့်အနိုင်ရရှိခဲ့သည်။
အာဆင်နယ်သည် စနေနေ့က ဘရန့်ဖို့နှင့်ကစားသည့်ပွဲတွင် သရေကျပြီး အမှတ်လျော့ခဲ့သောကြောင့် လက်ရှိအခြေအနေတွင် ထိုနှစ်သင်းသည် သုံးမှတ်သာကွာတော့သည်။ မန်စီးတီးသည် ဗုဒ္ဓဟူးနေ့ ကစားမည့်ပွဲတွင် အာဆင်နယ်ကို အနိုင်ရအောင်ကစားနိုင်ခဲ့လျှင် ဇယားထိပ်ဆုံးသို့ တက်လာနိုင်မည် ဖြစ်သည်။
ဟာလန်းသည်ဗီလာနှင့်ပွဲတွင် ဂွန်ဒိုဂန်ဂိုးသွင်းခွင့်ရရန် ဖန်တီးပေးနိုင်ခဲ့သော်လည်း ပထမပိုင်းအပြီးတွင် ဒဏ်ရာကြောင့်လူစားလဲခဲ့ရသည်။ “ဟာလန်းက ပြင်းပြင်းထန်ထန်ထိမိသွားတာတစ်ခုရှိတယ်။ သူ့အခြေအနေကို အတိအကျမပြောနိုင်သေးဘူး။ ၃ ဂိုးလောက်နိုင်နေချိန်မှာ ဟာလန်းကို အရဲ့စွန့်ပြီး ထုတ်သုံးစရာကြောင်းမရှိပါဘူး။ လာမယ့်ရက်အနည်းငယ် အတွင်းမှာ ဒဏ်ရာကို ထပ်မံစစ်ဆေးမှုလုပ်မယ်။ သူကမစားနိုင်ရင်တော့ အခြားတစ်ယောက်ဝင်ကစားမှာပေါ့။ သူက အာဆင်နယ်နဲ့ပွဲအတွက် အဆင်သင့်ဖြစ်ဖို့မျှော်လင့်ပါတယ်”ဟု ဂွာဒီယိုလာက ပြောသည်။
