■ FA ဖလားစတုတ္ထအဆင့် ပြန်ကန်ပွဲစဉ်
ဆန်းဒါးလန်း – ဖူလ်ဟမ် (ကြာသပတေးနံနက် ၂း၁၅ နာရီ)
ပထမအကျော့တုန်းက ဖူလ်ဟမ်အသင်းနောက်က လိုက် ကစားခဲ့ရပြီး သရေရလဒ် ရယူခဲ့ရတယ်။ ဒါပေမဲ့ ဖူလ်ဟမ်ရဲ့ လက်ရှိခြေစွမ်းက မာကျောပြီး အသင်းကောင်းတွေနဲ့ ရင်ဆိုင် ခဲ့ရလို့ နိုင်ပွဲပျောက်ဆုံးနေတာလည်း ဖြစ်ပါတယ်။ လိဂ်ချန်ပီ ယံရှစ်ကလပ် ဆန်းဒါးလန်းက Play-off ဝင်ခွင့် ပစ်မှတ်ထား နေတဲ့အသင်းဖြစ်လို့ အခုပြိုင်ပွဲကို ထင်သလောက်အားစိုက်ပါ့ မလားစဉ်းစားရမယ်။ အဝေးကွင်းဖြစ်ပေမဲ့ ကစားသမားအင် အားသာလွန်တဲ့ ဖူလ်ဟမ်ကို ကြိုက်တယ်။
■ ဂျာမန်ဖလား ရှုံးထွက် (၁၆)သင်းအဆင့်
နုရင်ဘတ် – ဒစ်ဆယ်ဒေ့ါဖ် (ဗုဒ္ဓဟူးည ၁၁း၃၀ နာရီ)
ဘွန်ဒစ်လီဂါ-၂ အသင်းအချင်းချင်း တွေ့ဆုံတာဖြစ်ပေမဲ့ နုရင်ဘတ်အသင်းက တန်းဆင်းဇုန်အန္တရာယ်စက်ဝန်းထဲ ကျ ရောက်နေတာဖြစ်ပြီး ဒစ်ဆယ်ဒေါ့ဖ်ကတော့ တန်းတက်ဇုန်နဲ့ သိပ်မကွာပါဘူး။ ဒစ်ဆယ်ဒေါ့ဖ်အနေနဲ့ လက်ရှိအခြေအနေအ ရ ဘွန်ဒစ်လီဂါကို တန်းပြန်တက်ခွင့်ရဖို့ အလှမ်းအနည်းငယ် ဝေးနေလို့ ဂျာမန်ဖလားဘက်ကို ပိုအားစိုက်နိုင်တယ်။ ဒစ်ဆယ် ဒေါ့ဖ်ကိုပဲ ရွေးချယ်ချင်တယ်။
ဘိုဟုမ် – ဒေါ့မွန် (ကြာသပတေးနံနက် ၂း၁၅ နာရီ)
ဒေါ့မွန်အသင်းက အခုနှစ်သစ်မှာ ၂၀၂၂ ကပုံစံနဲ့ လုံး၀ ကွဲပြားခြားနားသွားတယ်။ အာဒဲယီမီ၊ ရေနာတို့ သွင်းဂိုးတွေ ဆက်တိုက်ရနေပြီး ကင်ဆာရောဂါကနေပြန်လာတဲ့ ဟယ်လာ ကလည်း အသင်းသစ်အတွက် ဂိုးပေါက်စဖွင့်ထားလို့ ဒေါ့မွန် တိုက်စစ်အခင်းအကျင်းက ဒုတိယရာသီဝက်မှာ စိတ်ဝင်စား စရာကောင်းလာတယ်။ ဘိုဟုမ်ကလည်း ဘွန်ဒစ်လီဂါမှာ အိမ် ကွင်း(၅)ပွဲဆက်တိုက် အနိုင်ကစားထားပြီး အိမ်ကွင်းပရိသတ် ရှေ့မှာ ပုံစံကောင်းရနေတယ်။ ဒါပေမဲ့ တန်းဆင်းဇုန်အန္တရာယ် ကြောင့် ဂျာမန်ဖလားကို ဘိုဟုမ် လက်လွှတ်နိုင်ခြေများတယ်။ ဒေါ့မွန်ပဲ အနိုင်ကစားဖို့များတယ်။
■ ပြင်သစ်ဖလားရှုံးထွက် (၁၆)သင်းအဆင့်
အော်ဇေး – ရိုဒက်စ် (ဗုဒ္ဓဟူးည ၁၁း၄၅ နာရီ)
အော်ဇေးက ပြင်သစ်လီဂူး-၁ ရဲ့အဆင့် (၁၉)နေရာမှာရှိ တဲ့အသင်းဖြစ်ပြီး ရိုဒက်စ်ကတော့ ပြင်သစ်လီဂူး-၂ ရဲ့ အဆင့် (၁၉)နေရာမှာရှိနေတဲ့အသင်းပါ။ နှစ်သင်းစလုံး သက်ဆိုင်ရာအ မှတ်ပေးပြိုင်ပွဲတွေမှာ တန်းမဆင်းရဖို့ရုန်းကန်နေရပြီး အတွေ့ အကြုံနဲ့ စုဖွဲ့မှုပိုင်းမှာတော့ အော်ဇေးသာပါတယ်။ အိမ်ကွင်း လည်းဖြစ်လို့ အော်ဇေးကိုပဲရွေးထားချင်တယ်။
လိုင်ယွန် – လိုင်လီ (ဗုဒ္ဓဟူးည ၁၁း၄၅ နာရီ)
လက်ရှိခြေစွမ်းနဲ့ ရလဒ်ပိုင်းမှာတော့ နှစ်သင်းအကြား ကွာခြားချက် ကြီးကြီးမားမားမရှိပါဘူး။ အစဉ်အလာအရလည်း ပြိုင်ဆိုင်မှုပြင်းထန်တဲ့ ပြိုင်ဘက်ကောင်းတွေဖြစ်ပြီး လိုင်ယွန်က တော့ ဒီရာသီအိမ်ကွင်းမှာ ပိုပြီးခြေစွမ်းတည်ငြိမ်နေတာတွေ့ရ တယ်။ လိုင်ယွန်ပဲ ကပ်နိုင်သွားဖို့များပါတယ်။
ပါရီ FC – အန်နီစီ (ဗုဒ္ဓဟူးည ၁၁း၄၅ နာရီ)
လီဂူး-၂ ကလပ်အသင်း (၂)သင်းဖြစ်ပြီး အမှတ်ပေးဇယား အထက်အောက်ရပ်တည်နေတဲ့အသင်းနှစ်သင်းလည်းဖြစ်ပါ တယ်။ ပါရီ FC အိမ်ကွင်းဆိုပေမယ့် လက်ရှိရလဒ်နဲ့ ခြေစွမ်းပိုင်း ပိုတည်ငြိမ်နေတဲ့ အန်နီစီကိုပဲရွေးထားချင်တယ်။
တူးလူး – Reims (ဗုဒ္ဓဟူးည ၁၁း၄၅ နာရီ)
ဒီပွဲကလည်း ပြင်သစ်လီဂူးမှာ အမှတ်ပေးဇယားအထက် အောက်ရပ်တည်နေတဲ့အသင်းနှစ်သင်းရဲ့ ထိပ်တိုက်တွေ့ဆုံမှု ပါ။ နှစ်သင်းစလုံး လက်ရှိမှာ ရလဒ်ကောင်းတွေဆက်တိုက်ရယူ နေသလို၊ ခြေစွမ်းပိုင်းအရလည်း တည်ငြိမ်မှုကိုပြသထားနိုင်ကြ ပါတယ်။ အကြိတ်အနယ်ရှိမယ့်ပွဲစဉ်ဖြစ်ပြီး နောက်တစ်ဆင့် အတွက်တော့ အိမ်ရှင်တူးလူးကိုပဲရွေးထားချင်တယ်။
အန်ဂါစ် – နန့်စ် (ဗုဒ္ဓဟူးည ၁၁း၄၅ နာရီ)
ပြင်သစ်လီဂူးအမှတ်ပေးဇယား အောက်ဆုံးမှာရပ်တည် နေတဲ့ အန်ဂါစ်ကတော့ တန်းဆင်းရဖို့တဖြည်းဖြည်းနီးစပ်လာနေပါပြီ။ ဒါကြောင့် အခုဖလားပွဲမှာ အန်ဂါစ်ရဲ့ မထင်မှတ်တဲ့ရုန်း ကန်လာမှုကိုတွေ့ရနိုင်ပြီး နန့်စ်အတွက် အခက်အခဲဖြစ်စေဦးမှာ ပါ။ နန့်စ်ကတော့ လက်ရှိခြေစွမ်းမဆိုးသလို ကစားပုံလည်းတည် ငြိမ်ပါတယ်။ နန့်စ်ပဲ ကပ်နိုင်သွားမယ်ထင်တယ်။
ဗီယာဇွန် – ဂရီနိုဘယ် (ဗုဒ္ဓဟူးည ၁၁း၄၅ နာရီ)
ဂရီနိုဘယ်က လီဂူး-၁ တန်းတက်ခွင့်အတွက် တိုက်ပွဲဝင် နေပြီး အခုဖလားပွဲကို အာရုံအပြည့်အဝစိုက်ဖို့ခက်ပါလိမ့်မယ်။ ဗီယာဇွန်က ပြင်သစ်စတုတ္ထတန်းမှာကစားနေတဲ့အသင်းဖြစ်ပြီး အားနည်းချက်များတဲ့အသင်းပါ။ ဂရီနိုဘယ်ပဲရွေးထားမယ်။
မာဆေးလ် – PSG (ကြာသပတေးနံနက် ၂း၄၀ နာရီ)
PSG အတွက် ခက်ခဲမယ့်ပွဲစဉ်ပါပဲ။ မာဆေးလ်က ပြင် သစ်လီဂူးမှာ ရလဒ်ကောင်းတွေဆက်တိုက်ရယူနေသလို ပြင် သစ်ဖလားပွဲတွေကိုလည်း အာရုံစိုက်ကစားနေတာတွေ့ရတယ်။ PSG ကတော့ လီဂူးချန်ပီယံဆုအတွက်ရော၊ ချန်ပီယံလိဂ်အ တွက်ပါ အားစိုက်ရဖို့ရှိနေပါတယ်။ မာဆေးလ်ပဲရွေးထားမယ်။
