မန်ယူအသင်းနောက်ခံလူဟောင်း ဂယ်ရီနဗီးလ်ကလည်း အမှန်တရားကို မျက်လုံးမှိတ်ငြင်းဆန်ချင်နေပါတယ်။ သူက သာမန်အရည်အသွေးသာရှိပေမဲ့ မန်ယူခေတ်ကောင်းချိန်မှာ ကစားခွင့်ရလို့ အောင်မြင်မှုများစွာ ရခဲ့ပါတယ်။ သူ့ရဲ့ အင်္ဂလန်လက်ရွေးစင်ကစားသမားဘဝကလည်း သာယာစိုပြေခဲ့ပေမဲ့ယူရို -၂၀၀၈ ခြေစစ်ပွဲအဖြစ် ကစားတဲ့ ခရိုအေးရှားနဲ့ပွဲမှာ ကျူးလွန်ခဲ့တဲ့အမှားကြောင့် အမည်းစက်ဖြစ်ခဲ့ရတယ်။
ကစားသမားဘဝအလွန် ဂယ်ရီနဗီးလ်ရဲ့ တိုတောင်းတဲ့နည်းပြဘဝကလည်း အထင်ကြီးစရာ မရှိပါဘူး။ နောက်ဆုံး သူဟာ လေရင်းပြီး တိုက်ရတဲ့ ဘောလုံးဝေဖန်သုံးသပ်သူဘဝကို ရွေးချယ်လိုက်ပါတယ်။ တစ်ခါတလေမှာ သူ့ရဲ့ အစွန်းရောက်နေတဲ့စကားလုံးတွေဟာ မန်ယူပရိသတ်တွေတောင် လက်မခံချင်ကြပါဘူး။ ဒါပေမဲ့ သူက ခပ်လွယ်လွယ်ဝေဖန်ရတဲ့ ဘဝကို အပြင်းအထန် စုံမက်နေပါတယ်။ အခုလည်း အာဆင်နယ်ရဲ့ အောင်ပွဲအပေါ် သူ မနာလို ဖြစ်နေတယ်ထင်ပါရဲ့။
အာဆင်နယ်က ပရီးမီးယားလိဂ်ချန်ပီယံဆု မရနိုင်ဘူးလို့ ပြောလိုက်တယ်။ မန်စီးတီးကို ရမှတ်တွေ ဖြတ်ထားလည်း အာဆင်နယ်က ပရီးမီးယားလိဂ်ချန်ပီယံ ဖြစ်မှာမဟုတ်ဘူး။ အချိန်တန်ရင် မန်စီးတီးပဲ ချန်ပီယံဖြစ်လိမ့်မယ်လို့ ဂယ်ရီနဗီးလ် ပြောလိုက်တာပါပဲ။
