နိုင်ငံတကာအဆင့် ဆွီဒင်ဘောလုံးအားကစားသမား၊ မန်ယူနောက်ခံလူ ဗစ်တာလင်ဒီလော့ဖ်သည် မန်ယူအသင်းမှ ထွက်ခွာမည်မဟုတ်ပေ။ မီလန်စခရီနီယာနေရာမှာ အစားထိုးရန်အတွက် လင်ဒီလော့ဖ်ကို ခေါ်ယူရန် အင်တာမီလန်က ထပ်တလဲလဲ တောင်းဆိုနေပေမဲ့လည်း လင်ဒီလော့ဖ်သည် မန်ယူတွင် ဆက်ရှိနေမည်ဖြစ်သည်။
သို့ဖြစ်ရာ အင်တာမီလန်သည် မီလန်စခရီနီယာနေရာတွင် အစားထိုးရန်အတွက် ဗဟိုနောက်ခံလူတစ်ဦးကို ရှာဖွေလိုပါက အခြားနေရာသို့ ရှာဖွေရမည်ဖြစ်သည်။ လင်ဒီလော့ဖ်သည် ယခုဇန်နဝါရီလတွင် Giuseppe Meazza (အင်တာမီလန်အသင်း၏ကွင်း) သို့ ရောက်ရှိလာသူတစ်ယောက် ဖြစ်လာမည် မဟုတ်ပါ။
အင်တာမီလန်အသင်းသည် မီလန်စခရီနီယာ၏နေရာကို အစားထိုးရန် ကစားသမားတစ်ဦးကို ရှာဖွေနေသည်။ မီလန်စခရီနီယာသည် ပဲရစ်စိန့်ဂျာမိန်း (“ပီအက်စ်ဂျီ”) အသင်းနှင့် သဘောတူညီမှုရထားပြီးဖြစ်ကြောင်း အတည်ပြုထားပြီးဖြစ်သော်လည်း ပြင်သစ်တွင် မည်သည့်အချိန်တွင် ကစားရမည်ကို မသိရသေးပေ။
လင်ဒီလော့ဖ်သည် အင်တာမီလန်၏ ဦးစားပေးရွေးချယ်မှုဖြစ်သည်ဟု ဂျာနယ်လစ် Gianluca Di Marzio က ရှင်းပြသည်။ သို့သော် မန်ယူနည်းပြ တန်ဟက်ဂ်က သူ့အသင်း၏နောက်ခံလူကို မန်ယူမှာ ဆက်နေရန် အမိန့်ပေးထားသည်။
တန်ဟက်ဂ်က လင်ဒီလော့ဖ်ကို အပြောင်းအရွှေ့မဆိုထားနှင့်၊ အငှားနှင့်ပင် မထွက်ခွာစေချင်ပါဘူး။ တန်ဟက်ဂ်သည် လင်ဒီလော့ဖ်ကို ဘက်စုံရကစားသမားတစ်ဦးအဖြစ် သတ်မှတ်ပြီး မည်သည့်အကြောင်းကြောင့်မှ ထွက်ခွာရန် မလိုလားကြောင်း ဂျာနယ်လစ် Fabrizio Romano က ပြောကြားခဲ့သည်။
