အာဆင်နယ်အသင်းခေါင်းဆောင် ကွင်းလယ်ကစားသမား အော်ဒီဂွါက မိမိတို့အသင်းအနေဖြင့် မန်စီးတီးနှင့် အခြားအသင်းများအကြောင်း ဂရုစိုက်ခြင်းမရှိဘဲ ကိုယ်ယှဉ်ပြိုင်ရမည့်ပွဲအပေါ်သာ အာရုံစိုက်ထားကြောင်း ပြောကြားခဲ့သည်။
အော်ဒီဂွါက “ရိုးရိုးသားသားပြောရရင် ကျွန်တော်တို့ မန်စီးတီး ဒါမှမဟုတ် တခြားအသင်းတွေရဲ့အကြောင်းကို ဂရုမစိုက်ပါဘူး။ သူတို့ နိုင်ပွဲရရင်လည်း မအံ့သြပါဘူး။ ကျွန်တော်တို့ ကိုယ်ယှဉ်ပြိုင်ရမယ့်ပွဲအပေါ်ပဲ အာရုံစိုက်ထားပါတယ်”ဟု ပြောကြားခဲ့သည်။
ထို့ပြင် အော်ဒီဂွါက မိမိတို့အသင်းမှာ ပရီးမီးယားလိဂ်ပွဲစဉ် ၁၉ ပွဲသာကစားရသေးပြီး ခရီးတစ်ဝက်သာ ဖြတ်သန်းရသေးသောကြောင့် ချန်ပီယံဆုအကြောင်း စဉ်းစားရန်လည်း ဝေးနေသေးသည်ဟု ဆိုခဲ့သည်။
