အာဆင်နယ်အသင်းသည် ဝက်စ်ဟမ်းအသင်းမှ အင်္ဂလန်ကွင်းလယ်လူ ဒက်ကလန်ရိုက်ကို လာမည့်နွေရာသီတွင် ခေါ်ယူမည့် နံပါတ်(၁)ပစ်မှတ်ကစားသမားအဖြစ် သတ်မှတ်လိုက်ပြီး အဆိုပါအပြောင်းအရွှေ့လှုပ်ရှားမှု၌ မြို့ခံပြိုင်ဘက် ချယ်လ်ဆီးအသင်းကို အသာရလိမ့်မည်ဟု ယုံကြည်နေကြောင်း သိရသည်။
ဂျော်အိုဖေးလစ်၊ မူဒရစ်တို့၏ အပြောင်းအရွှေ့များ၌ ချယ်လ်ဆီးအသင်းအား အရှုံးပေးခဲ့ရခြင်းကြောင့် အာဆင်နယ်အသင်းက ဒက်ကလန်ရိုက်အတွက် ဂရုတစိုက်လှုပ်ရှားသွားရန် စီစဉ်နေပြီး ပေါင်သန်း(၈၀)ဖြင့် ကမ်းလှမ်းမည်ဟု သိရသည်။
ဒက်ကလန်ရိုက်(၂၄ နှစ်)က ချန်ပီယံလိဂ်ယှဉ်ပြိုင်ကစားရန် စိတ်အားထက်သန်နေသောကြောင့် အာဆင်နယ်အသင်း ယုံကြည်မှုမြင့်တက်နေခြင်းလည်းဖြစ်သည်။
